NEHEMÍAS 4:7 - Dios Rimashcata Quillcashcami

⁷ Shina caticucta, Jerusalén muyundi pircacunata allichishpa caticucta, pirca jutcucunatapish tapacucta Sanbalatpish, Tobiaspish, arabecunapish, amonitacunapish, Asdod pueblopi causaccunapish yachac chayashpami ñucanchic-huan yallita piñarirca.

NEHEMÍAS 4:7 ပူးပေါင်းရင်းမြစ်များ

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

2 REYES 24:2

Ashtahuanpish Mandac Diosca Joacimhuan macanacuchunmi caldeocunapac, siriocunapac, moabitacunapac, amonitacunapac soldadocunata cacharca. Mandac Diosca pai ima nishcata huillac, paita serviccunaman huillashca shinallatacmi Judá llactapi causaccunata tucuchichun cacharca.

2 CRÓNICAS 20:1

Tucui chaicunata ruhuashca quipami Moabpac, Amonpac huahuacuna, shinallatac shuctac amonitacunapish paicunahuan tandarishpa Josafathuan macanacungapac llucshirca.

ESDRAS 5:8

Can jatun mandac caita yachachunmi munanchic. Ñucanchicca Judea llactamanmi Mandac Diospac huasita rumicunahuan shayachiccunapacman rircanchic. Chai pirca jahuapica ñami caspicunata churashca. Chaicunataca utcami sumacta ruhuacuncuna.

NEHEMÍAS 2:10

Israelcunata ñuca ayudangapac shamushcata yachashpami, horonitapuramanta Sanbalatpish, amonitapuramanta Tobiaspish yallita piñarirca.

NEHEMÍAS 2:19

Ashtahuanpish Horón pueblomanta Sanbalatpish, jatun mandacta servic amonitapuramanta Tobiaspish, arabepuramanta Gesempish chaita uyashpami ñucanchicta asishpa burlashpaca: —¿Cancunaca imatatac ruhuacunguichic? ¿Jatun mandacpac contrachu tucugringuichic?— nircacuna.

NEHEMÍAS 4:1

Jerusalén muyundi jatun pircata ñucanchic allichicucta Sanbalat yachashpami, yallita piñarishpa, Judá llactapi causaccunataca burlashpa asirca.

NEHEMÍAS 4:6

Tucui gentecuna trabajana munaihuan cacpimi, tucui muyundi jatun pircataca chaupi pircacaman shayachircanchic.

NEHEMÍAS 4:8

Chaimantami paicunaca shuc yuyailla tucushpa, Jerusalenta llaquichishpa tucuchinata yuyarirca.

NEHEMÍAS 6:16

Chaita yachashpami ñucanchicta piñaccunapish, muyundi llactacunapi causaccunapish yangalla cashcata yuyashpa llaquirirca. Shinallatac ñucanchic Dios ayudacpi, tucuchishcatami yacharcacuna.

JEREMÍAS 25:20

Shinami chaipi causac shuctac llacta gentecunamanpish, Uz llactata jatun mandaccunamanpish, Filistea llactapi tiyac Ascalón, Gaza, Ecrón llactacunata jatun mandaccunamanpish, Asdod llactapi saquirishca maijan gentecunamanpish,

JEREMÍAS 41:10

Chai quipami Ismaelca Mizpa llactapi saquirishca jatun mandacpac ushicunatapish, shuctac gentecunatapish prezu aparca. Paicunataca soldadocunata mandac Nabuzaradanmi Ahicampac churi Gedaliasman mingashca carca. Netaniaspac churi Ismaelca tucui prezushpami amonitacunapacman rirca.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

AMÓS 1:8

Asdodpi causaccunatapish, Ascalón llactata mandaccunatapish tucuchishami. Ecrón llactapi causaccunataca piñarishpa llaquichicpica, maijan saquirishca filisteocunapish huañungami. Chaitaca Mandac Dios ñucami nini» ninmi.

AMÓS 3:9

Asdod llactapi, Egipto llactapi mandashpa tiyana huasicunapipish huillashpaca: «¡Samaria urcupi tandanacushpa, chai llacta llaqui tucushcata, chaipi causaccuna llaquilla causacushcata ricuichicyari!» nichic ninmi.

HECHOS 5:33

Shina nicta uyashpami, chai mandaccunaca piñarishpa, huañuchinata munarcacuna.

APOCALIPSIS 12:17

Chashna tucucpimi dragonca chai huarmihuan yallita piñarishpa, huarmipac huahua huahuacunahuan macanacungapac rirca. Chaicunaca Dios mandashcacunata pactachiccuna, shinallatac Jesusmanta huillashcata uyashpa alli caticcunami can. Chai dragonca mama cucha yacu patapimi shayarirca.

1 SAMUEL 11:2

Shina nicpimi, amonitacunapuramanta Nahasca: —Ari, cancuna mañashcata ruhuashami. Shina cacpipish, tucui cancuna alli lado ñahuita surcushpa, israelcunata pingaichicpimi, chai ari nishcataca pactachisha— nirca.