NEHEMÍAS 4:16 - Dios Rimashcata Quillcashcami

¹⁶ Chai punzhamanta pachami ñucata serviccunamanta chaupica pircata allichishpa, caishuc chaupica espadacunahuan, lanzacunahuan, arcocunahuan, fierro churanacunata churarishca shayacurcacuna. Paicunapac huashapica Judapac huasi ucupurata mandaccunami cuidacurca.

NEHEMÍAS 4:16 ပူးပေါင်းရင်းမြစ်များ

NEHEMÍAS 4:15

Paicuna llaquichigricushcata ñucanchic ña yachac chayashcata, shinallatac Dios paicuna yuyaricushcata yangapi churashcata paicuna yachac chayacpimi, ñucanchicca jatun pircata ruhuashpa catircanchic.

NEHEMÍAS 4:17

Pircata allichiccunapish, rumita apariccunapish chulla maquihuanca trabajashpa, chulla maquihuanca espadata apashcami carcacuna.

NEHEMÍAS 4:23

Chaimantami ñucapish, ñuca huauquicunapish, ayudaccunapish, cuidaccunapish churanacunataca mana llucchircanchic. Armaringapacllami churanataca llucchirircanchic.

SALMOS 101:6

Ñuca ladopi causachunca cai pachapi alli causaccunatami ricusha. Ima millaita mana ruhuashpa causacmi ñucata servinga.

ÉXODO 28:32

Chai túnica chaupipica uma yaicuna jutcuta ruhuangui. Chai jutcu muyunditaca ama lliquirichun patarishpa ahuangui.

CANTARES 3:8

Tucui paicunaca espadahuan cancuna. Macanacunatapish alli yachaccunami. Paicunaca tuta ima manchachinamantami cinturapi espadata apashca cancuna.

JEREMÍAS 46:4

¡Carretacunata caballopi huataichic! ¡Caballocunapi montaichic! ¡Fierro cascota churarichic! ¡Lanzacunatapish mulaichic! ¡Shunguta pacac fierro churanata churarichic!