NEHEMÍAS 4:15 - Dios Rimashcata Quillcashcami

¹⁵ Paicuna llaquichigricushcata ñucanchic ña yachac chayashcata, shinallatac Dios paicuna yuyaricushcata yangapi churashcata paicuna yachac chayacpimi, ñucanchicca jatun pircata ruhuashpa catircanchic.

NEHEMÍAS 4:15 ပူးပေါင်းရင်းမြစ်များ

2 SAMUEL 15:31

Shina ricucpimi Davidmanca: «Ahitofelpish Absalonhuan tucushpami llaquichingapac allichiricun» nishpa huillarca. Chaita uyashpami Davidca: «Mandac Dioslla, Ahitofel mana allita ruhuasha nicushcata ruhuachunca amatac saquinguichu, ashtahuanpish paitaca urmachingui» nishpa mañarca.

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

NEHEMÍAS 4:16

Chai punzhamanta pachami ñucata serviccunamanta chaupica pircata allichishpa, caishuc chaupica espadacunahuan, lanzacunahuan, arcocunahuan, fierro churanacunata churarishca shayacurcacuna. Paicunapac huashapica Judapac huasi ucupurata mandaccunami cuidacurca.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

MARCOS 13:34

Caica shuc amo caru llactaman rishpa, paita serviccuna imacunallata ruhuachun mandashpa saquic shinami. Huasita cuidactaca pungupi chaparachunmi mandashpa saquin.

ROMANOS 12:11

Tucui shunguhuan Apunchic Jesusta servichic, ama quilla caichicchu. Ashtahuanpish cusi caichic.

1 TESALONICENSES 4:11

Ñucanchic cancunata mandashca shinallatac, quiquin maquihuan imatapish ruhuashpa, tucuihuan sumacta causanata yuyaichic.