NEHEMÍAS 4:14 - Dios Rimashcata Quillcashcami

¹⁴ Chai quipaca tucui ima tucushcata ricushpami, alli nishca runacunatapish, quipa mandaccunatapish, tucui caishuc gentecunatapish rimashpaca: —¡Paicunapac ñaupapica ama manchaichicchu! Ashtahuanpish tucuita ruhuac jatun Diosta yuyarichic. Cancunapac huauquicunamanta, churicunamanta, ushicunamanta, huarmicunamanta, cancunapac huasicunamanta macanacuichic— nircani.

NEHEMÍAS 4:14 ပူးပေါင်းရင်းမြစ်များ

2 SAMUEL 10:12

Ñucanchic llactamantapish, ñucanchicta Mandac Diospac pueblocunamantapish sinchita macanacushunchic. Ama manchaichu. Mandac Dios pai munashca shina ruhuachun» nirca.

2 CRÓNICAS 32:7

«Sinchi tucushpa cari cari caichic. Imatapish mana manchanachu canguichic. Asiria llactata jatun mandactapish, paihuan shamuc achca soldadocunatapish mana manchanachu canguichic. Ñucanchic-huan cacca paicunahuan cacta atishpa, imatapish ashtahuan ruhuai pudinmi.

NEHEMÍAS 1:5

Ñuca mañashpaca: «Jahua pachapi causac Dioslla, canca jatun poderta charic manchana Diosmi cangui. Can mandashcacunata cazucmanca can ari nishcatapish pactachic, llaquic Diosmi cangui.

JOB 37:22

Jahua ladomantaca curi shina quillunlla achicmi shamun. Diosca sumaimana achic-huanmi paipac muyunditaca shamun.

SALMOS 143:5

Ñaupa huatacuna can imata ruhuashcacunata yuyarishpami, cambac maquihuan allicunata ruhuashcata yuyaricurcani.

SALMOS 20:7

Shuctac gentecunaca carretacunapi, caishuccunaca caballocunapimi shunguta churancuna. Ashtahuanpish ñucanchicca, ñucanchicta Mandac Diospimi shunguta churanchic.

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 65:5

Ñucanchicta quishpichic Dioslla, ñucanchic mañacpica, cashcata ruhuashpami cutichingui. Tucui llactacunapi causaccunapish, caru mama cucha llactapi causaccunapish canllatami shuyancuna.

SALMOS 66:3

Sumac Diostaca: «Can ruhuashcacunaca sumaimana mancharinacunami. Tucuita ruhuac cacpimi, canta piñaccunaca manchaihuan cumurincuna.

SALMOS 66:5

Dios imalla ruhuashcacunata ricungapac shamuichic. Tucui ñucanchicpac alli ruhuashcata ricungapac shamuichic.

ÉXODO 14:14

Cancunaca chaillapi caichic. Mandac Diosmi cancunamanta macanacunga— nirca.

ÉXODO 14:25

Paicunapac carretacunamanta ruedacuna llucchishpa caticpimi, mana ri pudirca. Chaimantami Egipto runacunaca: —¡Israelpac ñaupamanta callpashunchic, Mandac Diosmari paicunamanta ñucanchic-huan piñarishpa, macanacui callarin!— nirca.

ECLESIASTÉS 12:1

Huambrarac cai punzhacunaca canta ruhuac Diosta yuyaringui. Manarac llaqui punzhacuna chayamucpi yuyaringui. Chai huatacuna chayacpica: «Cai causaipica mana cushicui tiyanchu» ninguimi.

DANIEL 11:32

Dios-huan ari nishcata mana cazuccunataca crinallata parlashpami crichinga. Shina crichicucpipish, paicunapac Diosta ricsic gentecunaca sinchiyashpami shayaringa.

ZACARÍAS 14:3

Chai quipami Mandac Diosca jatun macanacuipi macanacuc shina, chai llaquichic llactacunahuan macanacungapac llucshinga.

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

DEUTERONOMIO 1:21

Riquichic, Mandac Diosmi cai allpata cushca. Cancunapac taitacunaman Mandac Dios nishca shina, huichai rishpa, allpacunata japishpa tiyarichic. ¡Ama manchaichicchu! ¡Ama shaicuichicchu!” nircani.

DEUTERONOMIO 10:17

Mandac Diosca tucui dioscunapac Diosmi, mandaccunapacpish Mandacmi. Mandac Diosca manchana poderyucmi. Mana pitapish ñahuita ricushpa llaquichic Dioschu. Pimantapish mana imata japicchu.

HEBREOS 13:6

Chaimantami tucui shunguhuan: «Mandac Diosca ñucata ayudacmi. Pipish ñucata imata ruhuanamantaca mana manchanichu» ni pudinchic.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

JUECES 3:27

Aod chaiman yaicushpaca Efrainpac urcupimi cornetapi tocarca. Chashna tocacpimi, israelcunaca Aodhuan urcumanta urai shamurca. Paica israelcunata ñaupashpami shamurca.