NEHEMÍAS 4:11 - Dios Rimashcata Quillcashcami

¹¹ Cutin ñucanchicta piñaccunaca: «Paicuna ama pircata ruhuashpa catichunca, pacalla paicunapac chaupiman yaicushpa, huañuchishun» nircacuna.

NEHEMÍAS 4:11 ပူးပေါင်းရင်းမြစ်များ

2 SAMUEL 17:2

Paitaca shaicushca, mana micushca cacpimi, japishpa manchachisha. Shina paita manchachicpimi, paihuan cac gentecunaca miticushpa callpanga. Chashna callpacpimi, jatun mandactaca huañuchisha.

NEHEMÍAS 4:10

Shina cacpipish, Judá llactapi causaccunaca: «Cai pircata ruhuanaca yalli achcami. Pircata ruhuaccunapish yalli shaicushcami. Chaimantami pircata ruhuanataca mana pudishun» nircacuna.

NEHEMÍAS 4:12

Ashtahuanpish paicunapac ladopi causac Judá llactamanta caccunaca: «Chai llaquichiccunaca tucui ladomantami cancunata llaquichingapac shamunga» nishpami cutin cutin huillarcacuna.

NEHEMÍAS 4:9

Paicuna ama yaicuchunca, Diosta mañashpami, tutapish, punzhapish cuidachun cuidaccunata churarcanchic.

SALMOS 56:6

Tandanacushpa miticushpami, ñuca maita ricta chaparancuna. Japishpa huañuchingapacmi maita ricpipish catirancuna.

ISAÍAS 47:11

Cantaca cungaillami jatun llaqui japinga. Chai llaqui maimanta shamuctaca mana yachanguichu. Shinallatac chai llaquimantaca mana llucshi pudinguichu. Can mana yachashca horas shamushpami chai llaquica yallita llaquichinga.

HECHOS 23:12

Cayandi tutamanta maijan israelcunaca Pablota huañuchingacaman manatac micungapac, manatac ubiangapacmi ari ninacurca. Mana chaita pactachicpica, Dios llaquichichunmi ari ninacurca.

HECHOS 23:21

Chaitaca ama cringuichu. Chuscu chunga yalli runacunami pacalla chapagricuncuna. Paicunaca Pablota huañuchingacaman, imata mana micungapac, imata mana ubiangapacmi ari nishca. Mana chaita pactachicpica, Dios llaquichichun nishcacunami. Cunanca can imata nicllatami shuyacun— nirca.

1 TESALONICENSES 5:2

Cancunallatac Apunchic Jesús shuc shuhuac tuta shamuc shina, mana yuyashca horas cutimuna cashcataca, alli yachanguichicmi.