NEHEMÍAS 3:30 - Dios Rimashcata Quillcashcami

³⁰ Paipac ladopica Selemiaspac churi Ananiasmi Salafpac suctaniqui churi Hanunhuan allichirca. Paicunapac ladopica Berequiaspac churi Mesulammi paipac huasi ñaupapi cac pircata allichirca.

NEHEMÍAS 3:30 ပူးပေါင်းရင်းမြစ်များ

NEHEMÍAS 13:13

Chai quipami Selemías curata, quillcac Sadocta levitapuramantaca Pedaiasta imalla tiyashcacunata cuidachun churarcani. Paicunata ayudachunca Zacurpac churi Hanantami churarcani. Zacurca Mataniaspac churimi carca. Paicunami Diosta cazuc imatapish cashcata ruhuaccuna carca. Paicunami caishuc huauquicunaman chaupishpa cungapac cai ruhuanata japircacuna.

NEHEMÍAS 3:29

Paicunapac ladopica Imerpac churi Sadocmi paipac huasi ñaupapi cac pircata allichirca. Paipac ladopica inti llucshina ladota cuidac Secaniaspac churi Semaiasmi allichirca.

NEHEMÍAS 3:31

Paipac ladopica cullquimanta imacunata ruhuac runapac churi Malquiasmi allichirca. Paica Diospac huasipi servishpa causaccunapac huasicaman, shinallatac randishpa catushpa causaccunapac huasicaman shinallatac piñanacushtaca allichina huasi pungumanta huasi esquinacamanmi allichirca.

NEHEMÍAS 3:4

Paicunapac ladopica Cospac nieto Uriaspac churi Meremotmi allichirca. Paicunapac ladopica Mesezabeelpac nieto Berequiaspac churi Mesulammi allichirca. Paicunapac ladopica Baanapac churi Sadocmi allichirca.

NEHEMÍAS 6:18

Tobiasca Arapac churi, Secaniaspac ushihuanmi cazarashca carca. Paipac churi Johananpish, Bereqiaspac churi Mesulampac ushihuanmi cazarashca carca. Chaimantami Judá llactapi causac achca gentecunaca Tobiaspac parte carca.