NEHEMÍAS 3:15 - Dios Rimashcata Quillcashcami

¹⁵ Colhozepac churi Salumca Mizpa llactatami mandacurca. Paimi callpacuc yacuman llucshina punguta allichirca. Paica caspicunata churashpa, jarcana caspicunata, aldabacunata churashpami saquirca. Pircataca jatun mandacpac huerta ladopi tiyac Siloé yacu jundu ladomanta, Davidpac puebloman rina gradacamanmi allichirca.

NEHEMÍAS 3:15 ပူးပေါင်းရင်းမြစ်များ

2 SAMUEL 5:9

Davidca chai jatun torrehuan jarcachishca pueblopi causashpami Davidpac pueblo nishpa cayarca. Shinallatac Milo pushtumanta callarishpaca pai tiyana huasicaman jatun pircata ruhuachirca.

2 REYES 25:4

Chaimantami jatun mandac Sedequiasca jatun pircata jutcushpa caldeocuna muyundipi chapacucpipish, tucui paipac soldadocunahuan llucshirca. Paipac huertata rishpa, ishcai pirca chaupipi tiyac punguta chai tutallatac llucshishpami, Arabá pambaman rina ñanta rirca.

2 CRÓNICAS 32:30

Ezequiasmi Gihonpi tucyacuc yacutaca jahuapi jarcashpa, inti tigrana tiyac Davidpac puebloman aparca. Shinami Ezequiasca imata ruhuashpapish allita ruhuarca.

NEHEMÍAS 12:37

Yacu junduman llucchina punguta derechashpami Davidpac puebloman huichai rina gradata rircacuna. Davidpac huasimantaca inti llucshina yacuman rina pungucamanmi huichai rircacuna.

NEHEMÍAS 2:14

Chai quipaca junduman llucshina punguta rishpami, jatun mandacpac jatun paila yacu ladoman cuchuyarcani. Ashtahuanpish ñuca montashpa ricuc caballohuanca mana pasaipacchu cashcarca.

NEHEMÍAS 2:17

Chai quipami ñucaca: —Jerusalén shitashca pamba shina tucushcamanta, pungucunata rupachishcamanta ñucanchic yalli llaquilla cashcataca cancunallatac yachanguichicmi. ¡Chaimanta pipish ñucanchicta ama burlachunca, Jerusalén pircacunata allichingapac shamuichic!— nircani.

NEHEMÍAS 3:12

Paicunapac ladopica Halohespac churi Salummi paipac ushicunahuan allichirca. Salumca chaupi Jerusalenta mandacmi carca.

NEHEMÍAS 3:14

Mapata shitana pungutaca Recabpac churi Malquiasmi allichirca. Malquiasca Bet-haquerem llactatami mandacurca. Jarcana caspicunata, aldabacunata churashpami saquirca.

NEHEMÍAS 3:19

Paipac ladopica Jesuapac churi Mizpa pueblota mandac Ezermi allichirca. Paimi macanacunata huacaichina huasiman rina tupanacuimanta jahua esquinacaman allichirca.

NEHEMÍAS 3:7

Paicunapac ladopica gabaonitapuramanta Melatias-huan, meronotitapuramanta Jadonhuan shinallatac Gabaón, Mizpa pueblopi causaccunahuanmi allichirca. Paicunaca jatun yacu chimba lado llactata mandac mandashcami causarcacuna.

NEHEMÍAS 3:9

Paicunapac ladopica Hurpac churi Refaiasmi allichirca. Paimi Jerusalén chaupi pueblotaca mandacurca.

ECLESIASTÉS 2:6

Huiñac yuracunata parcungapacpish yacu huacaichina tanquecunatami ruhuarcani.

ISAÍAS 8:6

«Cai gentecunaca casilla callpacuc Siloé yacuta yangapi churashpami Rezinhuan, Remaliaspac churihuan cushicurca.

JEREMÍAS 40:6

Jeremiasca Ahicampac churi Gedaliaspacmanmi Mizpa llactaman cutirca. Chaipimi Judá llactapi saquirishcacunapac chaupipi causarca.

SAN LUCAS 13:4

Siloé torre tigrashpa, chunga pusacta ñitishca huañuccunaca, ¿tucui Jerusalenpi causaccunamanta yalli juchayuccuna cashcamantami huañushca canga yuyanguichicchu?

SAN JUAN 9:7

Shina llutashpaca: —Cunanca, Siloé uchilla cuchapi jahuaringapac ri— nirca. (“Siloé” nishpaca, “cachashca” nisha ninmi). Chai runa jahuaringapac rishpaca, ñahui ricucucmi cutirca.

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.

JUECES 20:3

Benjamín aillucunaca israelcuna Mizpa puebloman huichai shamushcatami yachac chayarcacuna. Israelcunaca: —Ima shina chai jatun llaquita ruhuashcata huillaiyari— nirca.