NEHEMÍAS 2:20 - Dios Rimashcata Quillcashcami

²⁰ Shina nicpimi paicunataca: —Ñucanchictaca jahua pachapi causac Diosmi ayudanga. Shina ayudacpimi, paita servic ñucanchicca tucui jatarishpa cutin allichishun. Ashtahuanpish cancunaca Jerusalenpica imata ruhuanatapish, imata japinatapish, imata yuyarinatapish mana charinguichicchu— nircani.

NEHEMÍAS 2:20 ပူးပေါင်းရင်းမြစ်များ

2 CRÓNICAS 26:5

Zacarías causacui punzhacunapica Zacarías Diosta manchanata allita yachachishcamantami Uziasca Mandac Diosta servishpa causarca. Usaías Mandac Diosta servishpa causai punzhacunapica tucuimi alli llucshirca.

ESDRAS 4:3

Shina nicpimi, Zorobabelpish, Jesuapish, ñaupa taitacunapac huasi ucupura israelcunata mandaccunapish rimashpaca: —Ñucanchic Diospac huasitaca mana cancunahuan shayachisha ninchicchu. Ashtahuanpish Persia llactata jatun mandac Ciro mandashca shinami, israelcunata Mandac Diospac huasitaca ñucanchiclla shayachina canchic— nirca.

NEHEMÍAS 1:4

Chaita uyashpami, ñucaca tiyarishpa huacashpa maijan punzhacunata duelo carcani. Shinallatac jahua pachapi causac Diospac ñaupapimi mana micushpa mañarcani.

NEHEMÍAS 2:4

Shina nicpimi, jatun mandacca: —¿Imatatac ruhuachun ningui?— nirca. Shina nicpimi, jahua pachapi causac Diosta mañashpa,

ESTER 4:11

«Maijan cari cashpa, huarmi cashpa, jatun mandac manapish cayacpi jatun mandacta ricungapac ucuman yaicucpica, huañunami can nishpa mandashcami tiyan. Mana cashpaca, jatun mandac paipac curi varata ñaupaman chutashpa ricuchicpimi mana huañunga. Chaitaca jatun mandacta serviccunapish, jatun mandac mandacuc tucui llactacunapi causaccunapish yachanmi. Ñuca, pai jatun mandacta ricungapacca cai quillaca mana cayashcachu cani» nichunmi cacharca.

SALMOS 102:17

Imatapish mana ruhuai pudic gentecuna mañashcataca uyangami. Paicuna yallita mañacushcataca mana yangapi saquishpa chasquingami.

SALMOS 122:6

Jerusalenpi cushi causai tiyachun mañashpaca: «Canta cuyaccunaca cushilla causachun.

SALMOS 20:5

Can quishpichishcamantami ñucanchicca cushicushun. Can mishachishcamantami cambac shutipi banderata alzashpa yallita cushicuchun. Mandac Dios can tucui munashca pactachun.

SALMOS 35:27

Ashtahuanpish manapish faltayuc ñucata misaccunaca cushicushpa cantachun. Punzhanta paicunaca: «¡Mandac Diosca jatunmari, paita servictaca sumacta causachunmi munan!» nichunlla.

SALMOS 51:18

Can cuyashcamanta Sión urcupac allita ruhuaiyari. Jerusalén muyundi pircata cutin shayachiyari.

ÉXODO 28:29

Chashnami Aaronca ñucapaclla carpa huasimanca allita ricushpa, mandacucta ricuchic pectotalpi Israelpac huahuacunapac shuticunata pechopi churashpa yaicunga. Chashnami ñucapac ñaupapi punzhanta yuyaringapac apashca canga.

ECLESIASTÉS 7:18

Caita chariranaca allimi. Caishuctapish cambac maquimantaca, ama cacharinguichu. Diosta manchac runaca tucuipimi alli llucshinga.

ISAÍAS 56:5

ñuca huasi pircapimi paipac shutita quillcasha. Chaimi churicunatapish, ushicunatapish yalli alli canga. Chai shutitaca tucui causaipimi jaicapi mana cungaringa.

LEVÍTICO 2:2

Chaitaca Aaronpac churi curacunamanmi cunga. Chaitaca curami maqui junda alli harinahuan, aceitehuan, inciensohuan chapushpa, yuyarina cachun, altar jahuapi rupachinga. Chaimi Mandac Diosmanca mishquilla ashnanga.

LEVÍTICO 24:7

Chai filacunapica imahuan mana chapushca alli inciensota churangui. Chai tandacunami yuyaringapac ñucaman cushpa, rupachishca canga.

ZACARÍAS 6:14

Chai coronaca Helem, Tobías, Jedaías runacunapish, Sofoniaspac churi Henpish yuyarichunmi Mandac Diospac huasipi churashca canga» nirca.

NÚMEROS 10:10

Cushicuna punzhacunapipish, quilla callari punzhacunapipish, imata yuyarina punzhacunapipish ñucahuan alli tucungapac animalcunata huañuchishpa, ofrendata tucui rupachishpaca trompetacunapi tocanguichic. Shina ruhuacpimi, Mandac Dios ñucaca cancunata yuyarisha. Ñucami cancunata Mandac Dios cani» nirca.

HECHOS 10:31

Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

HECHOS 10:4

Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.

HECHOS 8:21

Cambac shungu Dios-huan mana alli cashcamantami, paipac podertaca canman mana cun.