NEHEMÍAS 13:3 - Dios Rimashcata Quillcashcami

³ Chai mandashcata uyashpami, shuc llactamanta shamushpa Israelpi causaccunataca chicanyachirca.

NEHEMÍAS 13:3 ပူးပေါင်းရင်းမြစ်များ

ESDRAS 10:11

Cunanca, cancunapac ñaupa taitacunata Mandac Diosmanmi juchata huillana canguichic. Dios munashcata ruhuangapacmi cai llactapi causac gentecunamanta anchurishpa, shuctac llactamanta huarmicunamanta anchurina canguichic— nirca.

ESDRAS 9:2

Chashna cashpami paicunapish, paicunapac churicunapish, caipi causaccunapac ushicunahuan cazarashca. Chashnami jucha illac gentecunaca shuctac llacta gentecunahuan cazarashpa chapurishcacuna. Israel llactata mandaccunarac, quipa mandaccunaracmi millaita ruhuai callarishca» nishpa huillarca.

NEHEMÍAS 10:28

Maijan gentecuna, curacuna, levitacuna, Diospac huasi pungupi cuidaccuna, cantaccuna, Diospac huasipi serviccuna shinallatac Dios mandashcata pactachingapac shuc llactapi causac gentecunamanta chicanyarishcacunapish, paicunapac huarmicunandi, ña yuyaita charic churicunandi, ushicunandimi tandanacurca.

NEHEMÍAS 9:2

Israelpac huahua huahuacunaca shuctac llactamanta cac gentecunamanta chicanyarishpami, paicunapac juchacunatapish, paicunapac ñaupa taitacuna mana allita ruhuashcatapish huillarcacuna.

SALMOS 119:11

Juchallishpa canta mana llaquichingapacca ñuca shungupimi, can rimashcacunata huacaichircani.

SALMOS 119:9

¿Ima shinatac quipa huiñaicunaca paipac causaipi chuya canga? Cambac rimashcata cazushpami chuya canga.

ÉXODO 12:38

Shuctac gentecunapish achcami paicunahuan llucshirca. Shinallatac ovejacunapish, huagracunapish achcami carca.

PROVERBIOS 6:23

Chai mandashcaca lámpara shinami. Yachachishcaca luz shinami, cunashpa rimashcacunaca causaiman apac ñan shinami.

NÚMEROS 11:4

Israelcunahuanca micunallata munac tucuilaya gentecunami chapurishca carca. Chai gentecunapac yuyaita japishpami israelcunaca: «¿Pitac aichata cungayari?

ROMANOS 3:20

Mandashcacunata pactachishcallamantaca pipish Diospac ñaupapi mana chasquishcachu canga. Ashtahuanpish mandashcacunaca juchayuc cashcata ricuchingapacmi can.

SANTIAGO 1:27

Diospac ñaupapi mapa illac, Diosta alli cricmi cani ninaca, llaquipi cac viuda huarmicunatapish, taita mama illaclla cac huahuacunatapish ayudanami can. Shinallatac cai pachapi tiyac imapish mana allicunamanta huacaichirinami can.