NEHEMÍAS 13:26 - Dios Rimashcata Quillcashcami

²⁶ Israel llactata jatun mandac Salomonca ¿Manachu chaillamantatac juchallirca? Paica shuctac llacta jatun mandaccunata atishpa ashtahuan alli mandacmi carca. Diosca cuyashpami, tucui israelcunata mandac cachun churarca. Chashna cacpipish, shuctac llacta huarmicunami paitaca juchata ruhuachirca.

NEHEMÍAS 13:26 ပူးပေါင်းရင်းမြစ်များ

1 REYES 21:25

Acab shinaca Mandac Diospac ñaupapi millaita ruhuacca pipish mana tiyarcachu. Paitaca paipac huarmimi millaita ruhuachicurca.

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

1 REYES 3:13

Shinallatac can mana mañacpipish, charic tucunata yallita alli canatami cugrini. Shina cashcamantami cambac tucui causaipica jatun mandacpuramantaca maijanpish chashnaca mana tiyanga.

1 REYES 4:1

Salomonca tucui israelcunapac jatun mandacmi carca.

2 CRÓNICAS 1:12

Chaimantami alli yuyaitapish, yachaitapish canman cuni. Shinallatac chayuc canatapish, ima charinacunatapish, alli nishca canatapish cunimi. Caitaca cambac punta jatun mandaccunaca pipish mana charishcachu, cambac quipa jatun mandaccunapish, manallatac charingachu— nirca.

2 CRÓNICAS 9:22

Chashnami jatun mandac Salomonca tucui llacta mandaccunata atishpa chayucpish, alli yachacpish tucurca.

PROVERBIOS 31:3

Cambac fuerzataca ama huarmicunapi tucuchichu. Jatun mandaccunata tucuchic ñanpica ama causanguichu.

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.