NEHEMÍAS 13:2 - Dios Rimashcata Quillcashcami

² Paicunaca israelcunataca mana tandahuan, yacuhuan tupangapac shamurcacunachu, ashtahuanpish israelcunata maldiciachunmi Balaamman cullquita curcacuna. Shina ruhuacpipish, ñucanchic Diosca chai maldiciashcataca bendiciontami ruhuarca.

NEHEMÍAS 13:2 ပူးပေါင်းရင်းမြစ်များ

SALMOS 109:28

Paicuna maldiciacpipish, canca bendiciaiyari. Paicuna ñucata llaquichingapac jataricpipish pingaichishca cachun. Shina cacpipish, canta servicca cushilla cachun.

MIQUEAS 6:5

Ñuca acllashcacunalla, cunanca Moab llactata jatun mandac Balac cunashcata yuyarichicyari. Beorpac churi Balaam Sitimmanta Gilgalman chayashpa, imata nishcatapish yuyarichicyari. Chashna yuyarishpami, Mandac Dios ñucaca cashcata ruhuac cashcata yachanguichic» ninmi.

NÚMEROS 23:18

Chashna tapucpimi, Balaamca yuyarina rimaicunahuan huillashpaca: «Ziporpac churi Balac jatarishpa, ñuca nishcata allita uyaiyari.

SAN MATEO 25:40

Shina nicpimi ñucaca: “Cai uchilla ñuca huauquicunaman ruhuashpaca, ñucamanmi ruhuarcanguichic. Chaica chashnatacmi” nishami.

DEUTERONOMIO 23:3

Amonitacunapish, moabitacunapish Mandac Diospac tandanacuimanca mana yaicungachu. Paicunapac chunganiqui miraicunapish Mandac Diospac tandanacuimanca mana yaicungachu.

DEUTERONOMIO 23:4

Paicunaca, cancuna Egipto llactamanta llucshimucpica, micunallahuanpish, yacullahuanpish mana tupangapac llucshircachu. Ashtahuanpish Mesopotamia llactapi tiyac Petormanta Beorpac churi Balaamtami cancunata maldiciachun apamurca.

DEUTERONOMIO 23:5

Ashtahuanpish Mandac Diosca Balaamtaca mana uyasha nircachu. Mandac Diosca cuyanmi. Chaimantami maldicianapac randica bendiciarca.

2 PEDRO 2:15

Cashcata ruhuashpa causanata saquishpami Bosorpac churi ñaupa huillac Balaam ruhuashcata catishpa pandarishpa purincuna. Balaamca millaita ruhuashpallami, cullquita japinata munac carca.