NEHEMÍAS 13:10 - Dios Rimashcata Quillcashcami

¹⁰ Shinallatac levitacunaman micunata mana cucpi, levitacuna, Diospac huasipi servishpa cantaccuna, paicunapac allpacunaman rishcata yachac chayarcani.

NEHEMÍAS 13:10 ပူးပေါင်းရင်းမြစ်များ

2 CRÓNICAS 31:4

Shinallatac Mandac Dios mandashcata curacunapish, levitacunapish ruhuashpa catichunca, Jerusalenpi causaccunatami curacunaman, levitacunaman cuna cashcata cuchun mandarca.

NEHEMÍAS 10:37

Punta masashca tandata, tucui yuracunapi punta pucushca granota, punta ruhuashca vinota, aceiteta curacunaman, ñucanchic Diospac huasiman apamungapac. Ñucanchic allpapi pucushcacunataca chungamanta shucta levitacunaman apamungapacmi ari nircanchic. Ñucanchic allpapi pucushca granocunataca levitacunamanmi chungamanta shucta cungapac tucui pueblocunapi tandac carcanchic.

NEHEMÍAS 10:39

Chai huacaichina ucumanmi israelcunapish, levitacunapish cushca grano ofrendata, vinota, aceiteta apangacuna. Chai huasillapitacmi Diosta servic curacunapish, punguta cuidaccunapish, cantaccunapish causancuna. Chashna ruhuashpami, ñucanchic Diospac huasitaca mana saquishun nircanchic.

NEHEMÍAS 12:47

Zorobabel, shinallatac Nehemías causacui punzhacunapica tucui israelcunami punzhanta cantaccunamanpish, pungupi cuidaccunamanpish cararcacuna. Shinallatac levitacunaman cungapacmi imallata chicanyachic carcacuna. Levitacunapish chai cushcacunamantaca Aaronpac huahua huahuacunamanmi cuna cashcata curca.

ISAÍAS 43:23

Ñucaman cushpa, rupachingapac animalta mana apamurcanguichicchu. Ñucata alli ningapac mana animalcunata curcanguichicchu. Ñucaca ofrendatapish mana mañashcanichu. Inciensota mañashpapish mana piñachircanichu.

MALAQUÍAS 3:8

¿Runaca, Diospacta shuhuanchu? ¡Cancunaca ñucapac cashcata shuhuashcanguichicmari! Shina shuhuashpapish: “¿Imatatac shuhuarcanchic?” ninguichicmi. ¡Cancunaca chungamanta shucta cunata mana cushpami shuhuanguichic!

NÚMEROS 35:2

«Israelcunataca: “Cancuna allpata japishpaca, levitacunamanpish llactacunata, llacta muyundi michina pambacunatapish cunguichic.

DEUTERONOMIO 12:19

Cancunapac llactapi causacushpaca, levitacunata ama cungaringuichicchu.