NEHEMÍAS 12:43 - Dios Rimashcata Quillcashcami

⁴³ Chai punzhaca Diosllata cushichicpimi, achca animalcunata Diosman cushpa huañuchishpa, yallita cushicurcacuna. Chaipica huarmicunapish, huahuacunapish yallitami cushicurca. Jerusalenpi chashna yallita cushicushcaca carucamanmi uyaricurca.

NEHEMÍAS 12:43 ပူးပေါင်းရင်းမြစ်များ

2 CRÓNICAS 20:13

Tucui Judá llactapi causaccunami uchilla huahuacunandi, huarmicunandi, churicunandi Mandac Diospac ñaupapi shayacurca.

2 CRÓNICAS 20:27

Paicunata piñaccuna llaquichicucpi, Mandac Dios ayudashcamantami Judá llactapi, Jerusalenpi causac tucui soldadocunaca Josafattaca ñaupachishpa cushicuihuan Jerusalenman cutimurcacuna.

2 CRÓNICAS 7:10

Canchis quilla ishcai chunga quimsa punzhapimi jatun mandacca tucui gentecunata paicunapac huasicunaman cacharca. Mandac Diosca Davidmanpish, Salomonmanpish, Diosllatac acllashca israelcunamanpish allicunata ruhuashcamantami tucui shunguhuan cushicushpa rircacuna.

ESDRAS 3:13

Chashna yallita cushicushpa caparicushcatapish, caparishpa huacashcatapish gentecuna uyashpaca imamanta chashna cashcataca mana entendircachu. Gentecunaca yallita cushicushpami caparicurca. Chaimantami paicuna caparishcaca carucaman uyarirca.

NEHEMÍAS 12:27

Jerusalén muyundi pircata Diosman mingangapacca tucui levitacunatami maimantapish Jerusalenman pushamurca. Paicunataca platillopi, salteriopi, citarrapi Diosta alli nishpa cantashpa Diosman mingangapacmi pushamurca.

NEHEMÍAS 12:42

Maaseías, Semaías, Eleazar, Uzi, Johanán, Malquías, Elam, shinallatac Ezermi carca. Cantaccunaca Izrahías pushashcami sinchitami cantarcacuna.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

SALMOS 27:6

Chashna ruhuashpami ñuca muyundipi cac, ñucata piñaccunapac jahuapi churanga. Chaimantami cushicushpa, paihuan tupana huasipica animalcunata cushpa huañuchisha. Mandac Diostaca sumac salmocunahuanmi cantashpa alli nisha.

SALMOS 28:7

Mandac Diosca ñucapac sinchi fuerza, ñuca jarcarina escudo shinami. Paitami ñuca shungupica shuyani. Chashna pai ayudashcamantami ñuca shungupi yallita cushicushpa, ñuca ruhuashca cantohuan paita cantacusha.

SALMOS 9:2

Canmantami yallita cushicushpa caparisha. Jahua pachapi causac Dioslla, cambac shutitaca cantashami.

SALMOS 92:4

Mandac Dioslla, can ruhuashcacunahuanca cushichishcanguimi. Cambac maquicunahuan ruhuashcata ricushpami yallita cushicuni.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

JEREMÍAS 31:13

Carihuan mana chayarishca solteraca mosocunahuan, yuyaccunahuanmi danzashpa cushicungami. Huacanapac randica cushicungami. Nanaihuan canapac randica samaringami.

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

NÚMEROS 10:10

Cushicuna punzhacunapipish, quilla callari punzhacunapipish, imata yuyarina punzhacunapipish ñucahuan alli tucungapac animalcunata huañuchishpa, ofrendata tucui rupachishpaca trompetacunapi tocanguichic. Shina ruhuacpimi, Mandac Dios ñucaca cancunata yuyarisha. Ñucami cancunata Mandac Dios cani» nirca.

SAN MATEO 21:15

Curacunata mandac curacunapish, mandashcacunata yachachiccunapish chaipi Jesús milagrota ruhuacta ricushpa, huahuacuna: “¡Mandac Davidpac aillupuramanta Apunchic Jesús quishpichiyari!” nicta uyashpaca, yallitami piñarirca.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

SAN JUAN 16:22

Shinallatacmi cancunaca llaquiringuichic. Shina cashpapish, ñuca cutimucpica, cancunapac shungupi yallitami cushicunguichic. Chai cushicuitaca pi mana quichungachu.

EFESIOS 5:19

Salmocunatapish, Diospac Espíritu yuyachishca sumac cantocunatapish caishuc chaishuc parlanacuichic. Apunchic Jesucristota tucui shunguhuan “allimari cangui” nishpa cantaichic.

SANTIAGO 5:13

Cancunapuramanta maijanpish llaquilla cashpaca, Diosta mañachun. Maijanpish cushilla cashpaca, Diosta alli nishpa cantachun.

1 SAMUEL 4:5

Carpa huasicunaman Dios ari nishca quillcata huacaichina Arca chayacpica, tucui israelcunami yallita cushicushpa, allpa chucchucta caparirca.