NEHEMÍAS 12:39 - Dios Rimashcata Quillcashcami

³⁹ Efraín pungumantaca mauca jatun pungutapish, Challua pungutapish, Hananeel torretapish, Hamea torretapish, Ovejacuna yaicuna pungutapish pasashpami prezu huasi pungupi saquirircanchic.

NEHEMÍAS 12:39 ပူးပေါင်းရင်းမြစ်များ

2 REYES 14:13

Israel llactata jatun mandac Joasca chai Bet-semes pueblopimi Judá llactata jatun mandac Amasiasta prezu japirca. Amasiasca Joaspac churi, Ocoziaspac nietomi carca. Judá llactata jatun mandacca Jerusalenman shamushpami, Jerusalén pircata Efraín pungumantaca esquinapi tiyac pungucaman chuscu patsac metro anchota tigrachirca.

NEHEMÍAS 12:40

Chai quipaca ishcai coro cantaccunaca Diospac huasimanmi chayarca. Ñucapish, ñucahuan puric mandaccunahuanmi chayarcani.

NEHEMÍAS 3:1

Shina cacpimi curacunata mandac Eliasib curapish, paipac huauqui curacunapish ovejacuna yaicuna punguta allichirca. Pircataca Hamea torremanta callarishpa, Hananeel torrecamanmi allichirca.

NEHEMÍAS 3:25

Paipac ladopica Uzaipac churi Palalmi chai tucuri pircatapish, jatun mandacpac huasi ladopi tiyac jatun torretapish allichirca. Chai torreca prezushpa churana huasi ñaupapimi carca. Paipac ladopica Farospac churi Pedaiasmi allichirca.

NEHEMÍAS 3:3

Challuahuan yaicuna pungutaca Senaapac huahua huahuacunami allichirca. Paicunami vigacunata, pungucunata churashpa aldabacunata churarcacuna.

NEHEMÍAS 3:6

Mauca pungutaca Paseahpac churi Joiadahuan, Besodiaspac churi Mesulamhuanmi allichirca. Paicunami vigacunata, jarcana caspicunata, aldabacunata churashpa chai pungutaca allichirca.

NEHEMÍAS 8:16

Chaimantami gentecuna urcucunaman llucshishpa ramacunata apashpa, quiquin chucllacunata ruhuarcacuna. Maijancunaca paicunapac huasi jahuacunapi, pungu pambacunapi, Diospac huasi pungu pambacunapi, yacuman llucshina pungu lado plazapi, Efraín pungu lado plazapi, chucllata ruhuarcacuna.

JEREMÍAS 31:38

Jerusalentaca ñucapaclla cachun, Hananeel torremanta, esquinapi tiyac pungucaman allichina punzhacunami shamugrin.

JEREMÍAS 32:2

Chai punzhacunapica Babilonia llactata jatun mandacpac soldadocunami Jerusalentaca muyunacushpa chapacurca. Chai punzhapica Dios ima nishcata huillac Jeremiasca Judá llactata jatun mandacpac huasi canzhapimi prezu carca.

SOFONÍAS 1:10

Mandac Diosca: «Chai punzhapica challua Pungumantami mañashpa, caparishca uyaringa. Caishuc pungumantapish llaquinayaita huacashcami uyaringa. Lomacunapipish yallita mancharishpa caparishcami uyaringa.

SAN JUAN 5:2

Jerusalenpimi ovejacuna yaicuna pungu ladopimi, shuc cucha tiyarca. Chai cuchaca hebreo rimaipica Betesda shutimi can. Chaimanca pichca pungutami yaicuna carca.