NEHEMÍAS 12:35 - Dios Rimashcata Quillcashcami

³⁵ Curacunapac churicunaca trompetapi tocashpami rircacuna. Paicunaca: Zacariasca Jonatanpac churi, Jonatanca Semaiaspac churi, Semaiasca Mataniaspac churi, Mataniasca Micaiaspac churi, Micaiasca Zacurpac churi, Zacurca Asafpac churimi carca.

NEHEMÍAS 12:35 ပူးပေါင်းရင်းမြစ်များ

1 CRÓNICAS 25:2

Asafpac churicunamantaca: Zacur, José, Netanías, Asarelami carca. Paicunataca Asafmi mandacurca. Paimi jatun mandac mandacpi, Dios ima nishcata huillac carca.

2 CRÓNICAS 13:12

Riqui, Mandac Diosca ñucanchic-huanmi. Paimi ñucanchicta mandacun. Paipac curacunapish cancunahuan macanacugrichunmi, trompetapi sinchita tocangapac ñucanchic-huan shayacun. Chaimanta israelcunalla, cancunapac ñaupa taitacunata Mandac Dios-huan ama cariyaichicchu. Paitaca, ¿maitatac mishai pudinguichicyari?» nirca.

2 CRÓNICAS 5:12

Shinallatac cantac levitacuna, Asaf, Hemán, Jedutún runacunaca paicunapac churicunahuan, familiacunahuanmi altar ñaupapi inti llucshina ladoman alli lino churanacunata churarishca platillocunahuan, salteriocunahuan arpacunahuan shayacurca. Paicunahuanca patsac ishcai chunga curacunami trompetacunapi tocashpa shayacurca.

NEHEMÍAS 11:17

Mataniasca Micaiaspac churi, Micaiaca Zabdipac churi, Zabdica Asafpac churimi carca. Paimi Diosta alli nishpa cantana horaspica pushashpa cantac carca. Bacbuquiasca quipa mandacmi carca. Abdaca Samuapac churi, Samuaca Galalpac churi, Galalca Jedutunpac churimi carca.

NEHEMÍAS 12:34

Judá, Benjamín, Semaías, shinallatac Jeremiasmi carcacuna.

NEHEMÍAS 12:36

Paicunapac huauquicuna Semaías, Azarael, Milalai, Gilalai, Maai, Natanael, Judá, shinallatac Hananica Diosta servic Davidpac tocanacunapimi tocashpa ricurca. Paicunapac ñaupataca quillcac Esdrasmi rirca.

JOSUÉ 6:4

Canchis curacunami oveja gachumanta ruhuashca canchis cornetata apashpa, Arca ñaupata ringa. Canchis punzha tucucpica, canchis cutin chai pueblota muyunguichic. Cutin curacunaca chai gachu cornetapimi tocangacuna.