NEHEMÍAS 12:27 - Dios Rimashcata Quillcashcami

²⁷ Jerusalén muyundi pircata Diosman mingangapacca tucui levitacunatami maimantapish Jerusalenman pushamurca. Paicunataca platillopi, salteriopi, citarrapi Diosta alli nishpa cantashpa Diosman mingangapacmi pushamurca.

NEHEMÍAS 12:27 ပူးပေါင်းရင်းမြစ်များ

2 SAMUEL 6:12

Jatun mandac Davidmanca: «Obed-edompac huasipi Diospac Arca cashcamantami paipac familiatapish, paipac ima charishcacunatapish Mandac Diosca bendiciashca» nishpa huillashcata yachac chayashpami, Davidca cushicushpa, Obed-edompac huasimanta paipac puebloman Arcataca aparca.

1 REYES 8:63

Mandac Dios-huan alli tucungapacmi Salonmanca ishcai chunga ishcai huaranga huagracunata, patsac ishcai chunga huaranga ovejacunata Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac mingarcacuna.

1 CRÓNICAS 13:8

Davidpish, tucui israelcunapish Mandac Diospac ñaupapimi arpapi, panderopi, salteriopi, cimbalopi, trompetapi tocashpa, cantashpa cushicurca.

1 CRÓNICAS 15:12

cayashpaca: «Cancunami levitacunapac familiacunata mandac canguichic. Chaimanta israelcunata Mandac Diospac Arcata ñuca acllashca pushtuman apamungapac cancunapish, cancunapac aillucunapish Diospaclla tucushpa chuyayaichic.

1 CRÓNICAS 15:16

Shinallatac Davidca levitacunata mandaccunataca: “Salteriopi, arpapi, platillocunapi sinchita tocashpa cantashpa richun cancunapac aillucunata acllaichic” nirca.

1 CRÓNICAS 15:28

Chashnami Davidca Mandac Dios ari nishca quillcata huacaichina Arcataca tucui israelcunahuan yallita cushicushpa, cantashpa, bocinacunapi, trompetacunapi, platillocunapi salteriocunapi, sinchita tocashpa aparcacuna.

1 CRÓNICAS 15:4

Shinallatac Aaronpac, huahua huahuacunatapish, levitacunatapish tandachircami.

1 CRÓNICAS 16:42

Paicunahuanca Hemán, Jedutún runacunatami trompetapi, platillopi shuc tocanacunapipish tocashpa Diosta alli nichun saquirca. Jedutunpac churicunataca Diospac carpa huasi punguta cuidachunmi saquirca.

1 CRÓNICAS 16:5

Paicunata mandacca Asafmi carca. Quipa mandacca Zacariasmi carca. Paicunapac caticca Jeiel, Semiramot, Jehiel, Matatías, Eliab, Benaía, Obed-edommi, shinallatac Jeielmi mandacurca. Paicunaca salteriocunapi, arpacunapimi tocaccuna carca. Asafca platillocunapimi tocac carca.

1 CRÓNICAS 23:5

Chuscu huaranga runacunaca Diospac huasi punguta cuidaccunami carca. Cutin chuscu huaranga runacunaca Mandac Diosta alli ningapac ruhuachishca tocanacunapi tocaccunami carca.

1 CRÓNICAS 26:31

Hebronpac huahua huahuacunamanta paipac familiacunata chicanyachishca hebronitacunataca Jeriasmi mandacurca. David chuscu chunga huatata mandacucpimi, paicunapac shuticunata quillcashcapi mashcashpaca, Galaad llactapi cac Jazer pueblopi mana manchac, sinchi runacuna tiyashcata tarirca.

2 CRÓNICAS 29:25

Jatun mandac David, Dios ricuchishcata huillac Gad, Natán mandashca shinami, levitacunataca Mandac Diospac huasipi salteriocunapi, arpacunapi, cimbalocunapi tocachun churarca. Chaitaca Mandac Diosmi pai ima nishcata huillaccunata huillachishca carca.

2 CRÓNICAS 29:30

Chaimantami jatun mandac Ezequiaspish, shuctac mandaccunapish levitacunataca David quillcashca shimicunahuanpish, Dios ima nishcata huillac Asaf quillcashca shimicunahuanpish Mandac Diostaca allimari cangui nichun mandarca. Shina nicpimi, paicunaca yallita cushicushpa cungurishpa Diosta alli nircacuna.

2 CRÓNICAS 5:13

Trompetacunapi tocashca uyaricpica, tucuimi Mandac Diosta alli nishpa, pagui nishpa shuclla shina cantarcacuna. Trompetacunahuan, platillocunahuan shuctac tocanacunahuan tocacpi, sinchita cantashpami, Mandac Diostaca: «Paica allimari, pai llaquishcaca huiñai huiñaipacmi» nishpa cantarca. Shina cantacpimi, Mandac Diospac huasipica puyu jundarca.

2 CRÓNICAS 7:6

Curacunaca paicuna imatac ruhuanallapitacmi carcacuna. Levitacunapish, Mandac Diosta pagui ningapac jatun mandac David ruhuashca tocanacunapimi tocarcacuna. David allichishca cantota cantashpaca: «Diosca allimari, pai llaquishcaca huiñai huiñaipacmi» nishpami cantarcacuna. Curacunaca levitacunapac chimbapurapimi trompetacunapi tocarcacuna. Israelcunaca tucuimi shayacurcacuna.

ESDRAS 6:16

Chashna tucuricpica, chai huasita Diosman cushpami israelcunapish, curacunapish, levitacunapish, prezu apashcamanta caishuc cutimushcacunapish yallita cushicurca.

NEHEMÍAS 11:20

Caishuc israelcuna, curacuna, levitacunaca Judá llacta tucui pueblocunapimi quiquin allpacunallapitac causarca.

NEHEMÍAS 12:43

Chai punzhaca Diosllata cushichicpimi, achca animalcunata Diosman cushpa huañuchishpa, yallita cushicurcacuna. Chaipica huarmicunapish, huahuacunapish yallitami cushicurca. Jerusalenpi chashna yallita cushicushcaca carucamanmi uyaricurca.

NEHEMÍAS 8:17

Tucui prezumanta cutimushcacunami chucllacunata ruhuashpa, chai chucllapi causarcacuna. Israelcunaca Nunpac churi Josué causacui punzhamanta pachami cashna chucllacunata mana ruhuashca carca. Caita ruhuashcamantaca yallitami cushicurcacuna.

SALMOS 149:3

Paipac shutitaca danzashpa alabaichicyari. Paitaca panderopi, arpapi tocashpa cantaichicyari.

SALMOS 30:1

Mandac Dioslla, ñucata cacharichishcamantami alli nishpa cantani. Ñucata piñaccuna cushicuchunpish mana saquircanguichu.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

DEUTERONOMIO 20:5

Quipa mandaccuna tucui israelcunata rimashpaca: “¿Maijantac huasita shayachishpa, manarac chai huasipi causanguichic? Cutishpa chai huasipi causagrichic. Pacta macanacuipi huañucpi, shuc runarac chai mushuc huasipi causanman.

FILIPENSES 4:4

¡Cancunaca Apunchic Jesus-huan shuclla cashcamanta cushicuichic! ¡Cutinpish cushicuichic! ninimi.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.