NEHEMÍAS 11:3 - Dios Rimashcata Quillcashcami

³ Chashnami llactata mandaccunaca Jerusalenpi causarcacuna. Ashtahuanpish israelcuna, curacuna, levitacuna, Diospac huasipi serviccuna, Salomonta serviccunapac huahua huahuacunaca Judá llactacunallapitacmi quiquin allpacunallapitac, pueblocunallapitac causarcacuna.

NEHEMÍAS 11:3 ပူးပေါင်းရင်းမြစ်များ

ESDRAS 2:1

Babilonia llactata jatun mandac Nabucodonosormi israelcunataca Babilonia llactaman prezu apashca carca. Paicunaca punta causashca Judá llactaman, Jerusalenman paicunapac quiquin pueblollamantacmi cutircacuna.

ESDRAS 2:43

Diospac huasipi serviccunapuramanta Zihapac, Hasufapac, Tabaotpac,

ESDRAS 2:70

Curacuna, levitacuna, shuctac gentecuna, cantaccuna, Diospac huasi pungupi cuidaccuna, chaipi serviccunaca paicunapac pueblopimi causagrirca. Israelcunapish tucuimi paicunapac quiquin pueblollapitac causagrirca.

NEHEMÍAS 11:20

Caishuc israelcuna, curacuna, levitacunaca Judá llacta tucui pueblocunapimi quiquin allpacunallapitac causarca.

NEHEMÍAS 11:4

Judapac, Benjaminpac huahua huahuacunaca Jerusalenpimi maijancunaca causarcacuna. Judapac huahua huahuacunapuramantaca: Ataiasca Uziaspac churi, Uziasca Zacariaspac churi, Zacariasca Amariaspac churi, Amariasca Sefatiaspac churi, Sefatiasca Mahalaleelpac churimi carca. Mahalaleelca Farespac huahua huahuapuramantami carca.

NEHEMÍAS 7:39

Jesuapac huasi ucupuramanta Jedaiaspac huahua huahua curacunaca iscun patsac canchis chunga quimsami carca.

NEHEMÍAS 7:43

Levitacunaca: Hodaviaspac churicuna Jesuapac, Cadmielpac huahua huahuacunaca canchis chunga chuscumi carca.

NEHEMÍAS 7:46

Diospac huasipi serviccunaca: Zihapac, Hasufapac, Tabaotpac,

NEHEMÍAS 7:6

«Caicunaca Babilonia llactata mandac Nabucodonosor Babiloniaman prezu apashca gentecunami can. Paicunami Jerusalenman, Judá llactaman paicunapac quiquin pueblocunallamantac cutimurcacuna.

NEHEMÍAS 7:7

Zorobabelhuan shamuccunaca Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, shinallatac Baanami carca.

NEHEMÍAS 7:73

Curacuna, levitacuna, Diospac huasipi serviccuna, cantaccuna, shinallatac tucui israelcunaca paicunapac pueblollapitacmi causagrirca» nishpa quillcashcami tiyacurca. Ña canchisniqui quilla tucucpica tucui israelcunami paicunapac pueblocunapi carca.