NEHEMÍAS 10:39 - Dios Rimashcata Quillcashcami

³⁹ Chai huacaichina ucumanmi israelcunapish, levitacunapish cushca grano ofrendata, vinota, aceiteta apangacuna. Chai huasillapitacmi Diosta servic curacunapish, punguta cuidaccunapish, cantaccunapish causancuna. Chashna ruhuashpami, ñucanchic Diospac huasitaca mana saquishun nircanchic.

NEHEMÍAS 10:39 ပူးပေါင်းရင်းမြစ်များ

2 REYES 7:10

Chaimantami paicunaca Samaria pueblo yaicunapi cuidac soldadocunapacman rishpaca: «Ñucanchicmi siriocunapac carpacuna shayachishca pambaman rircanchic. Chaipica pipish mana ricurircachu. Maijan parlashcallapish mana uyarircachu, ashtahuanpish caballocuna, burrocunallami huatashca shayacurca. Carpacunapish ima shina shayachishca shinallatacmi carca» nircacuna.

2 CRÓNICAS 31:11

Shina cacpimi, Ezequiasca Mandac Diospac huasipi shuctac ucucunata ruhuachun mandarca. Shina mandacpimi, ucucunaca ruhuarcacuna.

2 CRÓNICAS 31:12

Chai ucupimi mana cungarishpa punta pucushcamanta cushca granotapish, chungamanta shucta cushcacunatapish, Diosman chicanyachishpa cushcacunatapish alli huacaichirca. Chaipi tucuita ricuchunca, Conanías levitatami churarca. Paipac quipa ricuchunca, paipac huauqui Simei levitatami churarca.

NEHEMÍAS 12:47

Zorobabel, shinallatac Nehemías causacui punzhacunapica tucui israelcunami punzhanta cantaccunamanpish, pungupi cuidaccunamanpish cararcacuna. Shinallatac levitacunaman cungapacmi imallata chicanyachic carcacuna. Levitacunapish chai cushcacunamantaca Aaronpac huahua huahuacunamanmi cuna cashcata curca.

SALMOS 122:9

Ñucanchicta Mandac Diospac huasita cuyashcamantami can alli cachun munani.

NÚMEROS 18:26

«Levitacunataca: “Israelcuna chungamanta shucta cushcata cancuna japishpaca, cancunapish chungamanta shucta alzashpa cunguichic.

NÚMEROS 18:30

Cancuna japishcamanta ashtahuan alli ofrendata alzashpa ñucaman cushca quipaca, trillana pambapi trillashca grano shina, chagramanta vino shinami cancunapac canga.

DEUTERONOMIO 12:17

Cancuna causana llactapica chungamanta shucta cushcatapish, mushuc vinotapish, aceitetapish, punta huachashca huagratapish, ovejatapish, cushami nishca ofrendatapish, quiquin munaimanta cushca ofrendatapish, alzashpa cushca ofrendatapish mana micui pudinguichicchu.

HEBREOS 10:25

Ama maijancuna shina tandanacunata saquishunchic. Chaipac randica, caishuc chaishuc tandanacushpa, Apunchic Jesús ñalla cutimuna cashcata yuyachinacushpa, ashtahuan catina yuyaita cushunchic.