NEHEMÍAS 10:37 - Dios Rimashcata Quillcashcami

³⁷ Punta masashca tandata, tucui yuracunapi punta pucushca granota, punta ruhuashca vinota, aceiteta curacunaman, ñucanchic Diospac huasiman apamungapac. Ñucanchic allpapi pucushcacunataca chungamanta shucta levitacunaman apamungapacmi ari nircanchic. Ñucanchic allpapi pucushca granocunataca levitacunamanmi chungamanta shucta cungapac tucui pueblocunapi tandac carcanchic.

NEHEMÍAS 10:37 ပူးပေါင်းရင်းမြစ်များ

2 CRÓNICAS 31:6

Israel llactapi causaccunapish, Judá llacta pueblocunapi causaccunapish chashnallatacmi huagracunamanta, ovejacunamanta chungamanta shucta curcacuna. Shinallatac Diosman cungapac chicanyachishcacunamantapish chungamanta shuctami apamurcacuna. Chaicunata apamushpaca montonashpami churarcacuna.

NEHEMÍAS 13:10

Shinallatac levitacunaman micunata mana cucpi, levitacuna, Diospac huasipi servishpa cantaccuna, paicunapac allpacunaman rishcata yachac chayarcani.

NEHEMÍAS 13:12

Chai quipami Judá llactapi causaccunaca trigota, vinota, aceiteta, chungamanta shucta huacaichina ucuman apamurcacuna.

NEHEMÍAS 13:5

Shina cashpami, shuc jatun ucuta ruhuashpa paiman cushca carca. Chai ucupimi ofrendacunata, inciensota, imalla charinacunata, trigota, vinota, aceiteta, chungamanta shucta cushcacunataca huacaichic carca. Chai huacaichishcacunatami levitacunaman, cantaccunaman, pungupi cuidaccunaman, curacunaman cuchun mandashca carca.

NEHEMÍAS 13:9

Chai quipami chai ucuta chuyanllata ruhuashpa, Diospac huasipi ima charishcacunata, ofrendacunata, inciensota chaipi cutin churachun mandarcani.

ÉXODO 13:12

punta huacharishca churicunatapish, animalcunatapish Mandac Diosman cunguichic.

ÉXODO 13:2

—Israelpurapi punta huacharishca cari huahuacunata ñucapacllata ruhuanguichic. Tucui punta huacharishca gentecunapish, animalcunapish ñucapacllami— nirca.

LEVÍTICO 23:17

Cuyuchishpa ñucaman cungapacca cancunapac huasimanta alli harinata levadurahuan ruhuashca ishcai tandata apamunguichic. Caimi punta pucushca granomanta Mandac Dios ñucaman cushcaca canga. Chaicunaca cada tandami chuscu kilo alli harinamanta ruhuashca canga.

MALAQUÍAS 3:10

Ñuca huasipica micuna ama illachun, chungamanta shucta apamushpa, maipi huacaichinapi churashpa ricuichic. Cancuna shina ruhuacpica, ñucapish jahua pacha ventanacunata pascashpami, yallita bendiciasha.

MALAQUÍAS 3:8

¿Runaca, Diospacta shuhuanchu? ¡Cancunaca ñucapac cashcata shuhuashcanguichicmari! Shina shuhuashpapish: “¿Imatatac shuhuarcanchic?” ninguichicmi. ¡Cancunaca chungamanta shucta cunata mana cushpami shuhuanguichic!

NÚMEROS 18:15

Tucui punta churicunapish, animalcunapish ñucaman cushcaca canmanmi canga. Ashtahuanpish punta churipish, punta animalpish mana alli cacpica, cullquitami cuna can.

NÚMEROS 18:18

Shinallatac chai aichapish, Diosman cuyuchishpa cushca pecho aichapish, alli lado changa aichapish canmanmi canga.

NÚMEROS 18:21

Levipac huahuacunaca ñucahuan tupana huasipimi servincuna. Chaimantami paicunamanca israelcuna chungamanta shucta ñucaman cushcacunata cuni.

ROMANOS 11:16

Punta ruhuashca tanda Diospaclla cacpica, tucui chapumi Diospac canga. Shuc yura sapi Diospaclla cacpica, tucui ramacunami Diospac canga.

DEUTERONOMIO 14:22

Chagrapi pucushca granotaca chungamanta shuctaca ama cungarishpa huatanta cunguichic.

DEUTERONOMIO 18:4

Punta pucushca granotapish, mushuc vinotapish, aceitetapish, punta rutushca oveja millmatapish cunguichic.

DEUTERONOMIO 26:2

punta pucushca granota shuc canashtapi churashpa, Mandac Dios paipac shuti causachun acllashca pushtuman apanguichic.