NEHEMÍAS 10:31 - Dios Rimashcata Quillcashcami

³¹ Chashnallatac samana punzhapi, Diospaclla chicanyachishca punzhapi shuc llacta gentecuna imacunata, granocunata, mana cashpaca ima shuctac micunacunata catungapac shamucpi, mana randingapac. Shinallatac canchis huata tucucpica, allpacunatapish samachingapac, debicunatapish perdonangapac.

NEHEMÍAS 10:31 ပူးပေါင်းရင်းမြစ်များ

2 CRÓNICAS 36:21

Mandac Diosca paicunata cashna llaquichinataca Dios ima nishcata huillac Jeremiastami huillachishca carca. Paicunata chai llactaman apacpimi, Judá llactaca canchis chunga huatacunacaman sumacta samarirca.

NEHEMÍAS 13:23

Shinallatac chai punzhacunapica Judá llactapi causaccuna Asdod, Amón, Moab pueblomanta, huarmicunahuan cazarashcatami ricurcani.

NEHEMÍAS 13:27

¿Shuc llactamanta huarmicunahuan cazarashpa, jatun millaita ruhuashpachu mana cazushpa, Diosta piñachina canchic?» nircani.

ÉXODO 12:16

Callari punzhapish, tucuri punzhapish Mandac Diospaclla tandanacuitami ruhuana canguichic. Chai punzhapica mana trabajanachu canguichic. Micunallatami ruhuana canguichic.

ÉXODO 20:10

Ashtahuanpish canchisniqui punzhaca Mandac Dios ñucapaclla chicanyachishca punzhami. Chai punzhapica canpish, cambac churicunapish, cambac ushicunapish, canta servic caricunapish, servic huarmicunapish, cambac animalcunapish, shuctac llactamanta shamushpa, canhuan causaccunapish ama imata ruhuanguichicchu.

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

ISAÍAS 58:6

Cancuna ayunashpaca llaquihuan causaccunata, huatashca shina, llaquilla causaccunata cacharichinami canguichic. Yugo aparishca shina causaccunamanta yugota anchuchinami canguichic.

LEVÍTICO 16:29

Caicunaca huiñaita ruhuachun mandashcami canga. Canchis quilla chunga punzhapica cancunapish, shuctac cancunahuan causaccunapish imata mana ruhuashpami llaquirishpa samarina canguichic.

LEVÍTICO 23:21

Chai punzhallapitacmi ñucapaclla chicanyachishca tandanacuiman cayana canguichic. Chai punzhapica ima trabajota ama ruhuanguichicchu. Cai mandashcacunaca cancunapac huahua huahuacuna maipi causashpapish huiñaita pactachichun mandashcami can.

LEVÍTICO 23:3

Sucta punzhata trabajanguichic. Ashtahuanpish canchisniqui punzhaca samarinami, ñucapaclla chicanyachishca tandanacuitami ruhuana canguichic. Cancuna maipi causacushpapish chai punzhapica samarishpami, Mandac Dios ñucata yuyarina canguichic.

SAN MATEO 6:12

Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

COLOSENSES 2:16

Chaimanta cancunataca imata micushcamanta, ubiashcamanta, mana cashpaca fiesta punzhacunapi, llullu quilla punzhacunapi, samana punzhacunapi imata ruhuacushcamanta ama pi juchanchichun.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.