NEHEMÍAS 1:7 - Dios Rimashcata Quillcashcami

⁷ Yalli millaita ruhuashpami, canta piñachishcanchic. Canta servic Moisesman can cushca mandashcacunatapish, pactachichun cushca shimicunatapish, imata ruhuachun nishcacunatapish mana cazushpami canta piñachishcanchic.

NEHEMÍAS 1:7 ပူးပေါင်းရင်းမြစ်များ

1 REYES 2:3

Canta Mandac Dios imata ruhuachun nishcatapish pactachishpa, paipac ñanpi puringui. Moisés mandashcacunapi nishca shinallatac pai quillcachishcacunata, mandashcacunata, pai huillashcacunata, ima shina causanata pai yachachishcacunata alli ricushpa cazungui. Can chashna alli pactachicpica, imata can ruhuashpapish, imata ruhuai callaricpipish, allimi llucshinga.

2 CRÓNICAS 25:4

Ashtahuanpish Moisés mandashpa quillcashca shinallatacmi paicunapac churicunataca mana huañuchirca. Chaipica, Mandac Dios Moisesta rimashpaca: «Taitacunaca mana churicunapac juchamanta huañungachu. Shinallatac churicunaca mana taitacunapac juchamanta huañungachu. Ashtahuanpish maijan cashpapish paipac quiquin juchamantami huañunga» nishcami carca.

2 CRÓNICAS 27:2

Jotamca Mandac Diospac ñaupapica paipac taita Uzías shinami allita ruhuashpa causarca. Shina cashpapish Diospac huasimanca mana yaicurcachu. Ashtahuanpish gentecunaca mana allita ruhuashpami catirca.

ESDRAS 7:6

Esdrasca israelcunata Mandac Dios Moisesman cushca mandashcata allita yachacmi carca. Jatun mandac Artajerjesca Esdras Mandac Diospac poderhuan cacpimi, pai ima mañashcata cuc carca.

SALMOS 106:6

Ñucanchic ñaupa taitacuna shinallatacmi juchata ruhuashcanchic. Mana allita ruhuashpami juchallishcanchic.

SALMOS 89:31

ñuca quillcashpa mandashcacunata yangata ruhuacpi, ñuca mandashcacunata mana cazucpica,

SALMOS 89:32

chashna ñucata mana cazushpa, millaita ruhuashcamantaca varahuan azotishpami llaquichisha.

ISAÍAS 1:4

¡Aij, juchasapa gentecunalla, juchata aparishca gentecunalla, millaita ruhuaccunapac huahua huahuacunalla, juchayuc runapac churicunalla, Mandac Diosmanta caruyashpami, israelcunapac jucha illac Diostaca mana catisha nishpa, piñachircanguichic!

DANIEL 9:11

Tucui israelcunami can mandashcata mana cazushcanchicchu, cambac rimashcata mana uyashcanchicchu, juchallishcanchicmi. Chaimantami cai llaquicunapish, canta servic Moisés mandashpa ari nishcapish ñucanchicta llaquichicun.

DANIEL 9:13

Moisés mandashpa quillcachishca shinaca, cai tucui llaquicuna ñucanchicta japicpipish Mandac Diosta mana mañashcanchicchu. Cashcata nic rimashcatapish mana uyashcanchicchu. Millaita ruhuanatapish mana saquishcanchicchu.

OSEAS 9:9

Gabaa llactapi causaccuna shinallatacmi yallita millaita ruhuashpa causarca. Cunanca, paicuna mana allita ruhuashcata Mandac Dios yuyarishpami llaquichinga.

LEVÍTICO 27:34

Diosca tucui cai mandashcacunatami israelcunaman yachachichun, Sinaí urcupi Moisesman huillarca.

SOFONÍAS 3:7

Ñucaca: “Jerusalenpi causaccunaca manchangapishchari. Cunashpa rimashcataca cazungapishchari. Shina cazucpica, paicuna causana huasicunatapish mana chingachimanchu” nishpami yuyarcanimi. Ashtahuanpish paicunaca millaita ruhuanatami munarca.

MALAQUÍAS 4:4

Ñucata servic Moisés mandashcacunatapish, ñuca yachachishcacunatapish allita yuyaringuichic. Chai mandashcacunataca tucui israelcunaman huillachunmi Horeb urcupi curcani.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:5

Riquichic, ñucata Mandac Dios mandashca shinami mandashcacunatapish, yachachishcacunatapish cazuchun yachachini. Cancunaman cushca llactaman yaicushpa, pactachishpa causachunmi yachachircani.

DEUTERONOMIO 5:1

Moisés israelcunata cayashpaca: «Tucui israelcuna, cunan ñuca cancunaman huillashca mandashcacunatapish, yachachishcacunatapish allita uyaichic. Caitaca allita yachacushpa, pactachishpa causaichic.

DEUTERONOMIO 6:1

Cancuna allpata japishpa, chaipi causashpa, cazuchunmi Mandac Diosca cai mandashcacunatapish, pactachinacunatapish, yachachishcacunatapish yachachichun mandarca.

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish llaquichishcami» nircacuna.