NEHEMÍAS 1:5 - Dios Rimashcata Quillcashcami

⁵ Ñuca mañashpaca: «Jahua pachapi causac Dioslla, canca jatun poderta charic manchana Diosmi cangui. Can mandashcacunata cazucmanca can ari nishcatapish pactachic, llaquic Diosmi cangui.

NEHEMÍAS 1:5 ပူးပေါင်းရင်းမြစ်များ

1 REYES 8:23

«Israelcunata Mandac Dioslla, can Dios shinaca jahua pachapipish, cai pachapipish mana tiyanchu. Canta tucui shunguhuan cazushpa, cambac ñaupapi alli puric canta serviccunata llaquishpami, imata ari nishcatapish pactachingui.

1 CRÓNICAS 17:21

Cai pachapica, ¿picunatac can acllashca israelcuna shinaca tiyanyari? Can Dios rimashpami, paicunataca cambac acllashca cachun llucchimurcangui. Jatun mancharinacunata ruhuashpami, tucui gentecuna cambac shutita ricsichun chashna llucchimurcangui. Egiptomanta can llucchimushpaca, cambac acllashcacunapac ñaupamantami shuctac llactapi causaccunataca llucchishpa cacharcangui.

ESDRAS 1:2

Persia llactata jatun mandac Ciroca: «Jahua pachata Mandac Diosmi tucui cai pachapi tiyac llactacunata mandachunpish, shinallatac Judá llactapi cac Jerusalenpi Diospac huasita shayachichunpish mandarca.

NEHEMÍAS 2:4

Shina nicpimi, jatun mandacca: —¿Imatatac ruhuachun ningui?— nirca. Shina nicpimi, jahua pachapi causac Diosta mañashpa,

NEHEMÍAS 4:14

Chai quipaca tucui ima tucushcata ricushpami, alli nishca runacunatapish, quipa mandaccunatapish, tucui caishuc gentecunatapish rimashpaca: —¡Paicunapac ñaupapica ama manchaichicchu! Ashtahuanpish tucuita ruhuac jatun Diosta yuyarichic. Cancunapac huauquicunamanta, churicunamanta, ushicunamanta, huarmicunamanta, cancunapac huasicunamanta macanacuichic— nircani.

NEHEMÍAS 4:8

Chaimantami paicunaca shuc yuyailla tucushpa, Jerusalenta llaquichishpa tucuchinata yuyarirca.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

SALMOS 47:2

Jahua pachapi causac Mandac Diosca manchana jatun Diosmi. Tucui cai pachata jatun Mandacmi.

SALMOS 76:8

Jahua pachamantami llaquichinata huillarcangui. Shina huillacpica, tucui cai pachapi causaccunami mancharishpa upalla saquirirca.

SALMOS 89:2

Ñucaca: «Canca alli rumicunahuan huasichishca shina huiñaita llaquicmi cangui. Can cashcata nic cashcapish, jahua pacha shina sinchimi» nircani.

SALMOS 89:3

Can acllashca, canta servic Davidhuan ari nishpaca:

SALMOS 89:8

Tucuita ruhuac Mandac Dioslla, ¿pitac can shinaca tiyanyari? ¡Canca tucuita mandacmi cangui! Cashcata nic Diosmi cangui.

ÉXODO 20:6

Ashtahuanpish ñucata cuyashpa, ñuca mandashcata cazuccunataca huaranga huaranga miraicamanmi cuyasha.

DEUTERONOMIO 7:12

Cancuna cai mandashcacunata yuyarashpa cazucpimi, Mandac Diosca cuyashpa, cancunapac taitacunahuan ari nishcataca pactachinga.

DEUTERONOMIO 7:21

Mandac Diosca cancunapac chaupipimi. Chaimanta ama paicunataca manchaichicchu. Paica jatun manchana Diosmi.

DEUTERONOMIO 7:9

Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.