NEHEMÍAS 1:4 - Dios Rimashcata Quillcashcami

⁴ Chaita uyashpami, ñucaca tiyarishpa huacashpa maijan punzhacunata duelo carcani. Shinallatac jahua pachapi causac Diospac ñaupapimi mana micushpa mañarcani.

NEHEMÍAS 1:4 ပူးပေါင်းရင်းမြစ်များ

2 SAMUEL 12:16

Chaimantami Davidca huahuamanta Diosta mañarca. Chashnami ayunashpa, ucuman yaicushpa, Mandac Diosta mañashpa tucui tuta pambapi pacarirca.

2 REYES 22:19

Cai llactatapish, cai llactapi causaccunatapish llaquichisha nicushcata Mandac Dios ñucapac ñaupapi uyashpami, yallita cambac shungupi nanarishpa, llaquilla tucushcangui. Shina llaquirishpami, cambac churanatapish lliquirishpa, Mandac Dios ñuca ñaupapi huacarcangui. Can chashna llaquirishcataca Mandac Dios ñucaca uyarcani.

2 CRÓNICAS 6:13

Salomonca shayarina shuc bronce patatami ruhuachishca carca. Chai shayarinaca largomanpish, anchomanpish ishcai metro ishcai chunga pichca centimetromi carca. Altomanca shuc metro quimsa chunga pichca centimetromi carca. Chai shayarinataca chaupi pambapimi churashca carca. Chaiman huichicushpami, tucui israelcunapac ñaupapi cungurishpa, jahuaman maquita chutashpa:

ESDRAS 1:2

Persia llactata jatun mandac Ciroca: «Jahua pachata Mandac Diosmi tucui cai pachapi tiyac llactacunata mandachunpish, shinallatac Judá llactapi cac Jerusalenpi Diospac huasita shayachichunpish mandarca.

ESDRAS 10:1

Esdras Diospac huasi ñaupapi cungurishpa huacashpa, juchacunata huillashpa mañacucpimi, achca israelcuna caricunapish, huarmicunapish, huahuacunapish Esdraspacman cuchuyamurca. Chaipica achca gentecunami yallita huacacurca.

ESDRAS 9:3

Chashna millaita ruhuacucta uyashpami, ñucaca ucu churarishcatapish, jahuata churarishcatapish lliquircani. Ñuca uma acchatapish, barbastapish pitirishpami yallita llaquirishpa tiyarircani.

ESDRAS 9:5

Animalta Diosman cushpa rupachina horasllatacmi sinchiyashpa, ucu churanapish, jahua churanapish lliquirishca, cungurishpa ñucata Mandac Diosman maquita chutashpa,

NEHEMÍAS 2:20

Shina nicpimi paicunataca: —Ñucanchictaca jahua pachapi causac Diosmi ayudanga. Shina ayudacpimi, paita servic ñucanchicca tucui jatarishpa cutin allichishun. Ashtahuanpish cancunaca Jerusalenpica imata ruhuanatapish, imata japinatapish, imata yuyarinatapish mana charinguichicchu— nircani.

NEHEMÍAS 2:4

Shina nicpimi, jatun mandacca: —¿Imatatac ruhuachun ningui?— nirca. Shina nicpimi, jahua pachapi causac Diosta mañashpa,

SALMOS 102:15

Mandac Diospac shutitaca tucui llactapi causaccunami manchanga. Can sumaimana cashcataca tucui cai pachapi causac jatun mandaccunami manchanga.

SALMOS 136:26

Jahua pacha Diosta alabaichicyari. ¡Paica huiñaita llaquicmi!

SALMOS 137:1

Babilonia llacta yacu ladocunapi tiyarishpami, Sión pueblota yuyarishpa huacac carcanchic.

DANIEL 10:2

Chai punzhacunapica Daniel ñucaca quimsa semanatami llaquilla carcani.

DANIEL 2:18

Shinallatac Danieltapish, paihuan caccunatapish Babiloniapi causac yachaccunata shina huañuchinatami mancharca. Chaimantami jahua pacha Dios llaquishpa ayudachun mañai ningapac rirca.

DANIEL 9:3

Chaimantami Mandac Diospacman cutirishpa, ayunashpa, sharpa churanata churarishpa, uchupata tallirishpa, paita yallita mañarcani.

JONÁS 1:9

Shina nicpimi Jonasca: —Ñucaca hebreopurami cani. Mama cuchatapish, cai pachatapish ruhuac, jahua pacha Mandac Diosta cazucmi causani— nirca.

SOFONÍAS 3:18

Mandac Diosca: «Cancunapuramanta unai huatata llaquirishpa causaccunataca tandachishami. Paicunata pingaichiccunaca mana tiyanchu.

ROMANOS 12:15

Cushilla caccunahuanca cushicuichic. Huacaccunahuanca huacaichic.