NAHÚM 3:19 - Dios Rimashcata Quillcashcami

¹⁹ Cambac nanaita allichic jambica mana tiyanchu. Chugrica mana jambipacmi tucushca. Can ima tucushcataca uyashpaca tucuimi cushicunga. Canca tucuitami llaquichircangui» ninmi.

NAHÚM 3:19 ပူးပေါင်းရင်းမြစ်များ

JOB 27:23

Maquita huactashpa cushicuc shinami huairaca llaquichinga. Silbashpa burlac shinami pai tiyacushcamanta apanga.

ISAÍAS 37:11

Asiria llactata jatun mandaccuna tucui llactacunata tucuchishcataca canllatac uyarcanguimi. ¿Chashna cashca jahuachu, canca quishpirigringui?

ISAÍAS 37:18

Mandac Dioslla, Asiria llactata jatun mandacca shuctac llactacunatapish, allpacunatapish tucuchircami.

JEREMÍAS 10:22

Uyaichic, Judá llactapi tiyac tucui llactacunata shitashca pambata saquingapacmi jahua llactamanta manchanayaita caparishca uyarimun. Cai llactacunataca shitashca pambapi puric chacal animalcuna causanatami ruhuanga.

JEREMÍAS 30:12

Mandac Diosca: «Cambac llaquica mana allichipacchu. Cambac chugrica mana jambipacmi.

JEREMÍAS 46:11

¡Carihuan manarac chayarishca soltera shina, Egipto runacunalla, Galaad llactaman huichai rishpa, balsamota apamugrichic! Mashna jambicunata tandashpapish, mana alli tucunguichicchu.

LAMENTACIONES 2:15

Ñanta pasaccuna ricushpaca maquita huactashpami burlarca. Jerusalenta ricushpaca, silbashpa umata cuyuchishpami: «¿Cai llactatachu sumacta niccuna carca? ¿Cai llactatachu cai pachapi causaccuna cushicuna llacta niccuna carca?» nirca.

EZEQUIEL 25:6

Mandac Dios ñucaca: Israel llactata burlashpa, maquita huactashpa, saltashpa asircanguichicmi.

JONÁS 1:2

«Jatari, jatun Nínive llactapi causaccunata llaquichina cashcata huillagri. Paicuna alli mana allita ruhuashcatami yachani» nirca.

MIQUEAS 1:9

Samaria llactapi causaccunapac sisu ungüica mana jambipac cashpami Judá llactacaman chayarca. Ñucapaclla, Jerusalén yaicunacamanmi chayarca.

APOCALIPSIS 13:7

Shinallatac Diospaclla caccunahuan macanacushpa, mishachun, tucui aillucunata, tucuilaya rimaita rimaccunata, tucuilaya gentecunata, shinallatac tucui cai pacha llactacunata mandachunpish saquircami.

APOCALIPSIS 17:2

Chai huarmihuanmi cai pachapi tiyac jatun mandaccunaca huainayarca. Tucui llacta gentecunapish paihuanmi vinota ubiashpa machac shina huacllirircacuna» nirca.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.