NAHÚM 2:13 - Dios Rimashcata Quillcashcami

¹³ Tucuita Mandac Diosca: «Ñucami canta llaquichigrini. Cambac carretacunata rupachishpami cushnichigrini. Cambac huahua leoncunataca, espadahuanmi tucui tucuchinga. Cai llactamantaca can shuhuashcatapish, tucuchishami. Cambac huillaccuna huillashcapish, jaicapi mana uyaringachu» ninmi.

NAHÚM 2:13 ပူးပေါင်းရင်းမြစ်များ

2 REYES 18:17

Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

2 REYES 18:19

Paicunatami mandac Rabsacesca: —Ezequiastaca: Asiria llactata jatun mandacca: “¿Ima nishpatac macanacushpa atishallami nicungui?

2 REYES 19:23

Cambac huillaccunata cachashpami, Mandac Diosta mana alli nishpa rimashcangui. Canca: ‘Ñucapac achca carretacunahuanmi urcu puntacunaman, Líbano urcu lomacunaman rircani. Jatun cedro yuracunata, ashtahuan alaja ciprés yuracunatami pitisha. Ashtahuan carupimi tiyacusha. Ashtahuan sumac pangasapa yuracuna ucupimi tiyacusha.

2 REYES 19:9

Shinallatac Asiria llacta jatun mandacca, Etiopía llactata jatun mandac Tirhaca paihuan macanacungapac shamushcatami yacharca. Chaimanta paica cutin Ezequiaspacman huillaccunata cachashpaca:

2 CRÓNICAS 32:19

Chai mandaccunaca Jerusalenpi causaccunapac Diostaca shuctac llactapi causaccunapac dioscunata shinami rimarcacuna.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

JEREMÍAS 21:13

Pugru pamba chaupipi tiyac jatun rumi jahuapi causaccunalla, ñucallatacmi cancunataca llaquichingapac shayarini. Cancunaca: ‘¿Pitac ñucanchic-huan macanacungapac shamui pudinga? Ñucanchic causacuc pushtumanca, ¿pitac yaicui pudinga?’ ninguichicmi.

JEREMÍAS 46:14

«Egipto llactapi huillaichic. Migdol, Menfis, Tafnes llactacunapi huillashpa: “¡Allichirishpa shayarichic. Cancuna causacuc muyunditaca espadahuanmi tucuchinga!” nichic.

JEREMÍAS 50:31

Jatun tucushca llactalla, ñucami canhuanca piñarircani. Ñuca canta ñacachishpa, llaquichina punzhami chayamun. Tucuita Mandac Dios ñucami nini.

JEREMÍAS 51:25

Mandac Diosca: «Tucui llactacunata tucuchic urculla, cantaca yallitami piñani. Canmi tucui llactacunata tucuchircangui. Ñuca llaquichishpami rumi quingraita singuchisha. Shinami rupashca urcuta saquisha.

EZEQUIEL 13:8

Chaimantami Mandac Dios ñucaca: “Cancuna yangata rimashcamanta, llullashcamantami llaquichisha.

EZEQUIEL 21:3

huillashpa: “Mandac Diosca: Riquichic, cancunahuan yallita piñarishpami espadata llucchishpa, cashcata ruhuaccunatapish, ñucata mana manchaccunatapish huañuchigrini.

EZEQUIEL 26:3

Chaimantami Mandac Dios ñucaca: Tiro llactahuanca piñarishcami cani. Ñucami canta llaquichichun llactacunata cachagrini. Paicunaca mama cucha jatarishpa shamuc shinami tucuchinga.

EZEQUIEL 28:22

“Mandac Diosca: Sidón llactalla, canhuanca piñarishcami cani. Canta llaquichishpami jatunyachishca casha. Chashnami ñucaca jucha illac cashcata ricuchisha. Shina ruhuacpimi, ñucataca Mandac Dios cashcata yachangacuna.

EZEQUIEL 29:10

Chaimantami ñucaca canhuanpish, tucui jatun yacucunahuanpish yallita piñarishca cani. Egipto llactataca Migdolmanta, Asuán llactacaman, Etiopía llacta linderocamanmi llaquinayai shitashca pambata saquisha.

EZEQUIEL 29:3

“Mandac Diosca: Egipto llactata jatun mandac Faraonlla, canhuanca piñarishcami cani. Canca yacu chaupipi tiyacuc dragón shinami cangui. Canca: ‘Nilo yacuca ñucapacmi, ñucami ruhuarcani’ ninguimi.

EZEQUIEL 35:3

huillashpa: “Mandac Diosca: Seir urculla, canhuanca piñarishcami cani. Chaimantami llaquichishpa shitashca pambata saquisha.

EZEQUIEL 38:3

huillashpa: “Mandac Diosca: Mesec, Tubal llactacunata jatun mandac Goglla, canhuanca piñarishcami cani.

EZEQUIEL 39:1

Huañunalla runa, jatun mandac Gog llaqui tucunamanta huillashpa: “Mandac Diosca: Mesec, Tubal llactacunata jatun mandac Goglla, canhuanca piñarishcami cani.

EZEQUIEL 5:8

Chaimantami Mandac Dios ñucaca cancunahuan piñarircani. Ñucallatacmi cancunataca tucui llactacunapi causaccunapac ñaupapi llaquichisha.

NAHÚM 2:12

Cari leonca paipac huahuacunamanpish, huarmi leonmanpish carangapacmi huañuchishpa achca aichata apamurca. Jutcucunapica aichacunatami jundachirca.

NAHÚM 3:1

¡Cai llactapi causaccunalla, huañuchishpa yahuarta jichashpa, yallita llullashpa, shuhuashpa, macashpa quichushpallami causarcanguichic!

NAHÚM 3:12

Can miticuna torrecunaca alli cargashca higo yura shinami canga. Yurata cuyuchicpi, granocuna shimipimi urmac shinami canga.

NAHÚM 3:15

Chaipica ninami rupachinga. Cantaca espadahuan huañuchishpami, pulgón curucuna shina tucuchinga. Langosta, pichachau curucuna shina mirariyari.

NAHÚM 3:5

Tucuita Mandac Diosca: «¡Ñucami canta llaquichigrini! Cambac churanacunata cambac ñahuicaman llatanashpami shuctac llactacunaman ricuchisha. Chashnami jatun mandaccunapac ñaupapi shayachishpa pingaichisha.

JOSUÉ 11:6

Shina cacpimi, Mandac Diosca Josuetaca: «Paicunataca ama manchaichu, caya cai horasllatami paicunataca israelcunapac ñaupapi churasha. Canca caballocunapac chaquicunata paquishpa, carretacunatapish rupachingui» nirca.

JOSUÉ 11:9

Josueca Mandac Dios mandashca shinallatacmi paicunataca huañuchishpa, caballocunapac chaquicunata paquishpa, carretacunatapish rupachirca.