NAHÚM 2:10 - Dios Rimashcata Quillcashcami

¹⁰ ¡Tucuita tucuchishca, shitashca pamba shinami saquirishca! Shungupipish huañunalla shinami tucushca. Changacunapish chucchunmi, lomotapish nanachinmi, ñahuipish quilluyashcami.

NAHÚM 2:10 ပူးပေါင်းရင်းမြစ်များ

GÉNESIS 1:2

Cai pachaca chushaclla, manchaipac pura, imaman ricchapish mana carcachu. Diospac Espiritullami caiman chaiman yacu jahuapi cuyuricurca.

SALMOS 22:14

Ñucaca talliricuc yacu shinami tucuricuni. Ñuca tullucunapish tucui quihuirishcami. Ñuca shunguca huira nuyucuc shinami tucuricun.

ISAÍAS 14:23

Chai llactapica erizo animalcuna causana, yalli yacu allpacunatami ruhuasha. Tucuita tucuchic pichanahuan pichashpami tucuchisha. Chaitaca tucuita Mandac Dios ñucami nini» nirca.

ISAÍAS 21:3

Chaimantami ñuca huashaca nanacun. Shuc huarmita sajuarina nanai japic shinami llaqui japirca. Yallita llaquilla cashpami, mana uyai pudini. Yallita manchaihuan cashpami mana ricui pudini.

ISAÍAS 24:1

Riquichic, Mandac Diosca cai pachataca chushacllatami saquinga. Cai pachapi causaccunataca caita chaita cachashpami, cai allpataca chushacllata ruhuanga.

JEREMÍAS 30:6

Tapunacuichic. ¿Shuc carica huahuata sajuarinchu? Ñucaca, ¿imamantatac caricuna sajuarina nanaihuan cac huarmi shina, cinturata maquihuan japirishpa, ñahuicunapish yuracyashpa, shayacucta ricurcani?

JEREMÍAS 49:23

Mandac Dios Damascota llaquichinamanta huillashpaca: «Hamat, Arfad llactacunapi causaccunaca mana alli huillaita uyashpami yallita llaquirirca. Mama cucha chaupipi cac shinami, yalli llaquihuan shuc ratollapish mana samarincuna.

JEREMÍAS 51:62

Chashna rezacushpaca: “Mandac Dioslla, canmi cai Babilonia llactata piñashpa, chaipi causac gentecunatapish, animalcunatapish tucui tucuchisha nircangui. Chashnami huiñaita shitashca pamba saquiringa” nircangui.

JEREMÍAS 8:21

Ñuca llactapi causaccuna yallita llaqui tucushcamantami ñucapish yalli llaquihuan cani. Duelo churanata churarishca shinami jatun manchaihuan cani.

EZEQUIEL 21:7

Chashna huacacpi: “¿Imamantatac huacacungui?” nicpica: “Jatun llaquimi tiyagrin. Chai llaqui shamucpica, maquicunapish fuerza illacmi saquiringa. Mucucunapish yacu shinami chucchunga. Pipish imata mana ruhuai pudingachu” ningui. ¡Chai llaquica ñami chayamugrin! Chaitaca Mandac Dios ñucami nini» nirca.

EZEQUIEL 31:15

Cutinllatac Mandac Diosca: Chai yura Seolman ri punzhami allpa ucupi tiyac yacutaca chaquichisha. Uchilla yacucunatapish, jatun yacucunatapish jarcashami. Líbano urcutapish pura tutahuanmi tapasha. Pambapi shayacuc yuracunapish chaquishpami urmanga.

DANIEL 5:6

Chaita ricushpami, jatun mandacca yallita mancharishpa ñahuipish irquiyashpa musparishca saquirirca. Paipac siqui tullucunapish chururic shina tucushpami, mucucunapish paicunapura huactarinacucurca.

JOEL 2:6

Paicunapac ñaupapica tucuimi chucchushpa, llaquilla ñahui tucunga.

NAHÚM 2:2

Mandac Diosmi alli nishca Jacobopac huahuacunatapish, alli nishca israelcunatapish cutin allichinga. Ima charishcacunata shuhuashca cacpipish, ramacuna illac uvas yura shina cacpipish, cutinmi allichinga.

NAHÚM 3:7

Can chashna cacta tucui gentecuna ricushpa, canmanta caruyashpaca: “¡Nínive llactaca llaquinayaitami tucurishca! ¿Pitac paitaca llaquingayari? ¿Maipitac cushichictaca taringayari?” nishpami mancharinga.

SOFONÍAS 3:6

Mandac Diosca: «Llactacunatapish tucuchircanimi. Paicuna causana huasicunapish shitashcami saquirirca. Ñancunaca pipish mana purina shitashca pambami saquirirca. Paicunapac llactapica shuc runallapish mana saquirircachu. Chashnami llaquinayaita tucuchishca huiñaipac saquirirca.

JOSUÉ 2:11

Chaita uyashpaca, ñucanchic shunguca yallita shaicushca shinami tucurca. Cancunata manchashpami, tucui gentecuna ima cushicuitapish, mana charincuna. Cancunata Mandac Diosca jahua pachapipish, cai pachapipish Diosmi.

JOSUÉ 7:5

Hai pueblopi causaccunaca israelcunataca quimsa chunga sucta runacunatami huañuchirca. Chashnami chai pueblo pungumanta Sebarím pambacaman catishpa, chai urai rina ñanpi macashpa atirca. Chaimantami israelcunaca chucchushpa, yallita mancharca.