MIQUEAS 7:8 - Dios Rimashcata Quillcashcami

⁸ Ñucata piñaclla, ñucamanta ama cushicuichu. Ñucaca urmashpapish jatarishallami. Ñuca pura tutapi causacucpica, Mandac Diosmi achicyachinga.

MIQUEAS 7:8 ပူးပေါင်းရင်းမြစ်များ

JOB 31:29

Ñucata piñac llaqui tucucpi, paita llaqui japicpica mana cushicushpa asircanichu.

SALMOS 112:4

Paica llaquicmi, caracmi, cashcata ruhuacmi. Cashcata ruhuaccunapacca amsapi luz achicyachicuc shinami.

SALMOS 143:3

Ñucata piñaccunaca catirashpami llaquichicun. Ñuca causaitaca allpapi shitashpami, ña huañushcata shina, amsapi causachun churashca.

SALMOS 20:8

Paicunaca mishacpimi irquiyashpa urmancuna. Ashtahuanpish ñucanchicca sinchitami shayacunchic.

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?

SALMOS 35:19

Ñucahuan yanga piñariccunaca amatac cushicuchuncuna. Yanga mana ricunayachiccunapish ama ñahuita quimllachun.

SALMOS 37:21

Diosta mana manchac runaca imata mañashpapish mana cutichinchu. Ashtahuanpish cashcata ruhuac runaca llaquishpami cutichin.

SALMOS 37:24

Runa urmashpapish mana chaipi saquiringachu. Paitaca Mandac Diosmi maquimanta charicun.

SALMOS 38:16

Ñucaca: «Ama ñucamanta cushicuchuncuna. Ñuca urmacta ricushpa ama jatun tucuchuncuna» nircanimi.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 97:11

Cashcata ruhuaccunapacca luzca tarpushca shinami tiyacun. Shungupi millai yuyaita mana chariccunapacca cushicunaca tarpushca shinami tiyacun.

ISAÍAS 2:5

¡Jacobopac huasi ucupuracuna shamuichic! ¡Mandac Diospac luzpi purishunchic!

ISAÍAS 49:9

Shinallatac prezucunataca: “¡Llucshichic!” nichun, purapi causaccunataca: “¡Ricuichic!” nichunmi, chashnaca ruhuasha. Ñan cuchucunapimi michinga. Chaquishca urcucunapipish quihuata charingami.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

ISAÍAS 9:2

Tutapi causaccunaca jatun luztami ricurca. Huañunalla llandupi causaccunataca luzmi achicyachirca.

JEREMÍAS 48:27

Moab llactapi causaccuna, ¿cancunaca manachu israelcunataca shuhuacucta japishpa burlac shina asircanguichic?

JEREMÍAS 50:11

Caldeocunalla, ñuca llactata tucuchishpaca, cushicuihuan saltashpa, llullu quihuaman beci yaicushca shinami cushilla carcanguichic. Caballocuna huacacuc shinami caparicurcanguichic.

JEREMÍAS 8:4

Can Jeremías paicunataca: Maijanpish urmashpaca, ¿manachu jatarin? Ñanta chingachishpapish, ¿manachu ñanta mashcangapac cutin?

EZEQUIEL 25:6

Mandac Dios ñucaca: Israel llactata burlashpa, maquita huactashpa, saltashpa asircanguichicmi.

EZEQUIEL 35:15

Canca israelcunaman ñuca cushca llacta llaquinayai tucuchishcata ricushpaca cushicurcanguimi. Chashnallatacmi cantapish llaquichisha. Seir urcupish, Edom llactapish chaipi tucui causaccunandimi llaquinayaita tucuchishca canga. Shina ruhuacpimi, ñucataca Mandac Dios cashcata yachangacuna nini” ninmi ningui.

EZEQUIEL 36:5

Chaimantami Mandac Dios ñucaca: Shuctac llactapi causaccunapish, Edom llactapi causaccunapish, ñuca llactataca cushicushpami japirca. Chaipi causaccunata yallita piñashpami, prezu aparca. Chaimantami ñucaca nina japiric shina yallita piñarishpa rimarcani.

AMÓS 9:11

Mandac Diosca: «Chai punzhapica Davidpac carpa huasi urmashcataca cutinmi allichishpa shayachisha. Pirca chictarishcatapish, urmashcatapish allichishpami shayachisha. Chashna tucuita allichishpami, ñaupa punzhacunapi cashca shinallatac paicunata allichisha.

ABDÍAS 1:12

Cambac huauqui llaquihuan cai punzhapica, mana cushicunachu carcangui. Judá llactapi causaccuna chingaricui punzhapica, mana asinachu carcangui. Paicuna jatun llaquita apacui punzhapica, mana jatun tucunachu carcangui.

MIQUEAS 4:10

Sionpi causaccunalla, shuc huarmi sajuarina nanaihuan shinami, yallita caparicunguichic. Cancunaca, caimanta llucshi rishpami, campopi causagringuichic. Chai quipaca, Babilonia llactamanmi chayanguichic. Chaipi cacpimi, Mandac Diosca cancunata piñaccunapac maquimanta quishpichinga.

MIQUEAS 7:10

Chaitaca ricushpaca ñucata piñashpa: “¿Canta Mandac Diosca maipitacyari?” nicpish, pingaihuan umata taparingami. Paicunata ñanpi turuta saruc shina llaquichishcataca ñuca ñahuihuantacmi ricusha.

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

SAN MATEO 4:16

Amsapi causac cancunami shuc jatun luzta ricurca. Amsapi huañunalla caccunatami, chai luzca achicyachirca» nishcami.

SAN JUAN 16:20

Cancuna llaquilla cacpipish, huacailla cacpipish, cai pachapac causaccunaca cushicungami. Shina cacpipish, cancunapac llaquica cushicuimi tucunga.

SAN JUAN 8:12

Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 4:9

Mana ricushun nishpa llaquichicucpipish, Diosca mana saquinchu. Huactashpa pambaman shitacpipish, mana tucuchishca canchicchu.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.

APOCALIPSIS 22:5

Mandac Diosllatac achicyachicucpimi, tutaca ña mana tiyanga. Shina cacpimi intipish, achicyachic lamparapish achicyachingapacca mana tiyana can. Shinallatac paicunaca huiñai huiñaitami mandangacuna.