MIQUEAS 7:18 - Dios Rimashcata Quillcashcami

¹⁸ Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

MIQUEAS 7:18 ပူးပေါင်းရင်းမြစ်များ

GÉNESIS 4:7

Allita ruhuashpaca, ¿manachu alli nishca canguiman? Cantaca juchami pungupi shuyac shina, mana allita ruhuachicun. Chai juchacunataca canllatacmi mishana cangui— nirca.

1 REYES 8:23

«Israelcunata Mandac Dioslla, can Dios shinaca jahua pachapipish, cai pachapipish mana tiyanchu. Canta tucui shunguhuan cazushpa, cambac ñaupapi alli puric canta serviccunata llaquishpami, imata ari nishcatapish pactachingui.

2 CRÓNICAS 30:9

Mandac Diospacman cancuna cutiricpica, cancunapac huauquicunata, cancunapac churicunataca prezu apashpa charicuc gentecunaca llaquingacunami. Chaimantami cai llactaman cutimungacuna. Cancunata Mandac Diosca yallita cuyac, yallita llaquic Diosmi. Cancuna paipacman cutiricpica, paica cancunataca cuidangami» nirca.

2 CRÓNICAS 6:21

Canta servic ñucapish, can acllashca israelcunapish cai huasipi canta mañacucpica uyanguiyari. Can causacuc jahua pachapi uyashpa, ñucanchic juchacunata perdonanguiyari.

NEHEMÍAS 9:17

Mana uyashun nircacunachu, paicunaman can sumaimanacunata ruhuashcatapish mana yuyarircachu. Mana cazushpa sinchi tucushpami, cutin huatashca shina causangapac Egiptoman cutingapac shuc mandacta acllarcacuna. Ashtahuanpish canca yallita cuyac, llaquic, mana utca piñaric, perdonac Dios cashpami, paicunataca mana saquircangui.

SALMOS 103:13

Mandac Diosca shuc taita paipac huahuacunata llaquic shinami, paita manchaccunataca llaquin.

SALMOS 130:4

Ashtahuanpish cambac ñaupapi cumurichunmi, ñucanchic juchacunata perdonashcangui.

SALMOS 35:10

Chaimantami ñuca tullucuna cushicushpaca: «Mandac Dioslla, ¿Pitac can shina tiyanyari? Canmi llaquilla runataca paita yalli sinchi runacunapac maquimanta cacharichingui. Imata mana charictapish, huaccha runatapish llaquichic runapac maquimantami quishpichingui» ningacuna.

SALMOS 65:3

Ñuca juchacunallatacmi ñucataca aticun. Shina cacpipish canca perdonanguimi.

SALMOS 65:4

Can acllashpa, cambac cuchuman apamushpa cambac huasi corredorpi causachun churashca runaca cushicuchun. Cambaclla huasipi tiyac sumac allicunata chasquishpami cushicushun.

SALMOS 71:19

Dioslla, jahua pachaman chayactami cashcata ruhuashcangui. Canmi jatun mancharinacunata ruhuashcangui. ¡Dioslla, can shinaca pi mana tiyanchu!

SALMOS 86:15

Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

SALMOS 89:6

¿Pitac jahua pachapica can Mandac Dios-huanca chimbapurai pudinyari? Jahua pachapi causaccunapurapica, ¿pitac Mandac Dios shina jatunca tiyangayari?

SALMOS 89:8

Tucuita ruhuac Mandac Dioslla, ¿pitac can shinaca tiyanyari? ¡Canca tucuita mandacmi cangui! Cashcata nic Diosmi cangui.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

ÉXODO 34:9

—Mandac Dioslla, cambac ñahuipi alli ricurishca cacpica, cai gentecuna yallimana millaita ruhuac, sinchi shungu cacpipish, ñucanchic-huan jaculla. Juchata ruhuashpa, mana alli cashcataca perdonashpa, cambacllata ruhuashpa, chasquiyari— nirca.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

ISAÍAS 33:24

Chaipi causaccunamanta maijan: «Ungushcami cani» mana ningachu. Sión llactapi causac gentecuna mana allita ruhuashcataca perdonangami.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 40:18

¿Imahuantac Diosta chimbapurai pudinguichic? Mana cashpaca, ¿ima ruhuashcahuantac chimbapurai pudinguichic?

ISAÍAS 40:25

Jucha illac Diosca: «¿Imatatac ñucaman ricchata ruhuai pudinguichic? Mana cashpaca, ¿imahuantac ñucataca chimbapurai pudinguichic?» ninmi.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

ISAÍAS 44:22

Ñucata mana cazushpa, mana allita ruhuashcatapish, cancunapac juchacunatapish puyuta shinami anchuchircani. Ñucami cancunataca quishpichircani. Chaimanta ñucapacman cutimuichicyari» ninmi.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

ISAÍAS 57:10

Yallita purishpami shaicurcangui. Shina cashpapish: “Shaicushcami cani” nishpaca, mana nircanguichu. Canca shaicushpapish fuerzata japishpami, mana samarishpa ashtahuan caticurcanguilla.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

ISAÍAS 62:5

Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.

ISAÍAS 64:9

Mandac Dioslla, ama yallita piñarichu. Ñucanchic yalli mana allita ruhuashcatapish ama huiñaita yuyarichu. ¡Riqui, tucui ñucanchicmi can acllashca canchic! ¡Chaimanta yuyariyari!

ISAÍAS 65:19

Ñucapish Jerusalenmantami cushicusha. Ñuca acllashcacunahuanmi yallita cushicusha. Jerusalenpica llaquihuan huacashcaca jaicapi mana uyaringachu.

JEREMÍAS 3:12

Jahua lado llactata ricushpa: “Mandac Diosca: Mana cazuc Israel-lla, ñucapacman cutimuichic. Ñucaca llaquicmari cani. Mana ashtahuan piñarishachu. Mana huiñaita piñarishachu.

JEREMÍAS 3:5

¿Huiñaitachu piñashca cangui? ¿Huiñaitachu shungupi yuyacunguilla?” nircanguimi. Chashna nicushpapish, mana allitami ruhuashpa causangui» nirca.

JEREMÍAS 31:20

¿Manachu Efrainca ñuca cuyashca huahua? ¿Manachu ñuca cushicuna huahua? Punzhantami paita yuyaricunilla. Ñuca paita yuyarishpaca shungumantami llaquirini. Paitaca llaquishatacmi» nini. Chaitaca Mandac Dios ñucami nini.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

JEREMÍAS 33:8

Ñucata llaquichishpa, millaita ruhuashpa juchallishcatapish tucuimi pichasha. Ñucata mana cazushpa, juchacunata ruhuashcatapish, jatun tucushcatapish perdonashami.

JEREMÍAS 38:8

Chaipi tiyacucpi, Ebedmelecca mandana huasimanta jatun mandacpacman rishpaca:

JEREMÍAS 50:20

Ñucallatac causachun saquishca israelcunapac juchacunataca perdonashami. Chaimantami chai punzhacunapi, chai huatacunapica israelcunapish, Judá runacunapish jucha illac cangacuna. Paicunapica juchaca mana tiyangachu. Chaitaca Mandac Dios ñucami nini.

JEREMÍAS 9:24

Maijanpish ñucata yuyarishcamanta, ñucata ricsishcamanta allimi cani nichun. Ñucami cai pachapica llaquicpish, alli mandacpish, cashcata ruhuacpish cani. Ñucaca chashna ruhuashpa causachunmi munani» nirca.

EZEQUIEL 18:23

Mandac Dios ñucaca, ñucata mana manchac runa huañuchunca mana munanichu. Millaita ruhuanata saquicca, ¿manachu causanga?

EZEQUIEL 33:11

Mandac Dios ñuca shutipimi nini: Ñucata mana manchac runa huañuchunca mana munanichu. Ashtahuanpish pai millaita ruhuanata saquishpa, causaita charichunmi munani. Chaimanta millaita ruhuanata saquishpa tigramuichic. Israelcuna, ¿imamantatac huañugringuichicyari? ninmi.

EZEQUIEL 33:16

Pai utcaman juchallishcataca mana yuyarishcachu canga. Allita ruhuashpa, cashcata ruhuashpaca causangatacmi.

DANIEL 9:9

Ñucanchic canta mana cazucpipish, canca llaquishpa juchacunata perdonacmi cangui.

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

OSEAS 14:5

Ñucami israelcunapacca tamya shina casha. Paicunaca lirio sisa shinami canga. Líbano urcupi tiyac cedro yura shinami sapiyanga.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

AMÓS 1:11

Mandac Diosca: «Edom llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca quiquin huauquicunatami mana llaquishpa, espadahuan huañuchirca. Paicunaca yallita piñarishpami, paicuna munashcata ruhuashpa llaquichishpa causarca.

AMÓS 7:8

Mandac Dios chaita ricuchishpaca: —Amós, ¿imatatac ricucungui?— nirca. Shina tapucpimi ñucaca: —Albañilpac plomadatami ricucuni— nircani. Shina nicpimi, Mandac Diosca: —Cai albañilpac plomadahuanmi ñuca acllashca israelcunataca ricugrini. ¡Paicunataca mana ashtahuan llaquishachu!

AMÓS 8:2

Shina ricuchishpaca: —Amós, ¿imatatac ricungui?— nirca. Shina nicpimi ñucaca: —Usyai punzhacunapi pucushca taza frutatami ricuni— nircani. Shina nicpimi, Mandac Diosca: —¡Ñuca acllashca israelcunata mana llaquishpa, tucuchina punzhami chayamun!

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

MIQUEAS 2:12

Jacobopac huahua huahuacunataca tucuimi tandachisha. Tucui saquirishca israelcunataca ovejacunata corralpi tandachic shina, shinallatac sumac quihuapi tandachic shinami tandachisha. Chaipica achca runacuna cashcamantami yallita bullanacucunga.

MIQUEAS 4:7

Shina tandachishpami, suchucunamantaca jatun llactata ruhuasha. Chingarishcacunamantaca sinchi llactatami ruhuasha. Mandac Dios ñucami chai punzhamanta pacha paicunataca Sión urcupica huiñaita mandasha.

MIQUEAS 5:3

Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

NÚMEROS 23:21

Jacobopac churi israelcunapica ima juchata mana ricushcanichu. Ima millaitapish mana ricushcanichu. Mandac Diosca paicunahuanmi. Paitaca: “Jatun mandacmi cangui” nishpami caparincuna nirca.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN LUCAS 24:47

Chai shinami, Jerusalén pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can.

ROMANOS 11:4

Chashna mañacpi Diosca: «Canchis huaranga gentecunatami acllarcani. Paicunaca mana Baal diospac ñaupapi cungurishcachu» nirca.

DEUTERONOMIO 33:26

¡Jesurunpac Dios shinaca, mana shucca tiyanchu! Paica, jatun cashcahuanmi puyu jahuapi tiyarin. Paica canta ayudangapacmi jahua pachapi tiyarin.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

JUECES 10:16

Shina nishpami paicunapac chaupipi tiyac dioscunata anchuchishpa Mandac Diosta servircacuna. Mandac Diosca israelcuna llaquita apacucta ricushpaca, paipish llaquirircami.