MIQUEAS 7:13 - Dios Rimashcata Quillcashcami

¹³ Cai pachaca shitashca pamba shinami saquiringa. Cai pachapi causaccuna mana allita ruhuashcamanta chashna canga.

MIQUEAS 7:13 ပူးပေါင်းရင်းမြစ်များ

JOB 4:8

Mana allita tarpuccunaca mana allillatatac cosechactami ricushcani.

PROVERBIOS 1:31

Paicuna millaita ruhuashpa causashcataca tarpushpa cosechac shinami japingacuna. Chashnami huicsa pactata micungacuna.

PROVERBIOS 31:31

¡Paipac maquihuan imata ruhuashcamantaca paimanpish ima allicunata cuichicyari! ¡Pai imata ruhuashcataca pueblo pungucunapi alli nichicyari!

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

ISAÍAS 17:9

Chai punzhapica muyundi pircashca paicunapac llactacunaca shitashcami saquiringa. Chai llactacunaca israelcuna amorreocunata, heveocunata llucchishpa cachacpi, shitashca saquiric llactacuna shinami saquiringa.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JEREMÍAS 21:14

Ñucaca cancuna mana allita ruhuashca shinallatacmi llaquichigrini. Ñucami paipac sachapi tiyac yuracunataca ninata japichishpa rupachisha. Chai ninami paipac muyundipi tucui tiyaccunatapish tucuchinga” ninmi ningui» nirca.

JEREMÍAS 25:11

Tucui cai llactami manchaipac shitashca pamba canga. Cai llactapi causaccunaca canchis chunga huatatami Babilonia llactata jatun mandacta servinga.

JEREMÍAS 32:19

Can ruhuashcacunaca yalli jatunmi, shinallatac sumaimanami. Cada shuc aichayuc runacunaman paicuna imata ruhuashca shinallatac cungapacmi, tucui paicuna ima shina causacucta ricucungui.

EZEQUIEL 12:19

Mandac Dios ñuca Israel llactapi causaccunatapish, Jerusalenpi causaccunatapish rimashpaca: “Micunataca llaquihuanmi micunga, yacutaca manchaihuanmi ubianga. Paicuna millaita ruhuashcamantami llactaca tucuchishca saquiringa.

EZEQUIEL 33:28

Chai llactaca shitashca pambami saquiringa. Yallita sinchi llactaca tucuringami. Israel urcucunapish llaquinayaitami tucuringa. Chaicunataca pipish mana puringachu.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

MIQUEAS 3:4

Shina ruhuashpapish Mandac Diosta mañanguichicmi. Cancuna mañacpica, paica mana uyangachu. Cancuna juchacunata ruhuashpa causacushcamantami llaqui punzhacunapica, paipac ñahuitaca cancunamanta pacanga» nircani.

MIQUEAS 5:3

Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.

MIQUEAS 6:13

Chaimantami ñucaca cancunataca llaquichircani. Cancunapac juchacunamantami llaquinayaita tucuchircani.