MIQUEAS 7:1 - Dios Rimashcata Quillcashcami

¹ ¡Aij, ñucalla! ¡Cosechana punzhapi granota tandachishca, tucuita uvasta pallashca, shuc uvasllapish mana tiyac pambapi shinami cani! Micungapacca shuc racimollapish mana tiyanchu. Ñucaca punta pucushca granota tucui shunguhuan micunatami munani.

MIQUEAS 7:1 ပူးပေါင်းရင်းမြစ်များ

SALMOS 120:5

¡Aij ñucalla, Mesec llactapimi causacuni! ¡Cedar llactapi causaccunapac carpa huasicuna chaupipimi causacuni!

PROVERBIOS 20:6

Achcacunami allita ruhuanchic nincuna. Ashtahuanpish mana llullac runataca ¿pitac taringayari?

ISAÍAS 17:6

Israelcunaca olivos yurata cuyuchishpa pallacpi, ishcai, quimsa punta ramapi saquiric shinami saquiringa. Ashtahuan alli grano ramacunapi chuscu, mana cashpaca pichca puchushca shinami saquiringa» ninmi. Chaitaca tucuita Mandac Diosmi nin.

ISAÍAS 24:13

Tucui cai pachapi causaccunaca olivos yurata cuyuchishpa granota pallacpi, maijanlla saquiric shina, uvasta cosechashpa, tucui pallashca shinami saquiringa.

ISAÍAS 24:16

Cai pachapi causaccunaca: «¡Cashcata ruhuactaca sumaimanami cangui nichicyari!» nishpa cantashcatami uyarcanchic. Chaita uyashpami ñucaca: «¡Aij, ñucaca llaquipimi cani!» nircani. Mana cazushpami ñucataca llaquichin. Urmachic runacunami ñucataca urmachin.

ISAÍAS 28:4

Pugru patapi tiyac chai sumaimana chagrapish, sisa shina coronapish punta pucushca grano shinami tucunga. Shinallatac usyai punzhacunapi punta pucushca higota pipish ricushcahuan japishpa micuc shinami tucunga.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

JEREMÍAS 15:10

Jeremiasca Ñucaca: «¡Aij, ñuca mamitalla! ¡Tucui llactapi causaccunahuan piñanacushpa, rimanacuchunmi ñucataca sajuarishcangui! Piman cullquita mana mañarcanichu, shinallatac mana mañachircanichu. Shina cacpipish, ñucataca mana alli nishpami rimacun.

JEREMÍAS 24:2

Shuc canashtapica punta pucushca sumac higocunami tiyacurca. Chaishuc canashtapica maita mana micuipac mana alli higocunami tiyacurca.

JEREMÍAS 4:31

Punta sajuaric huarmi shina, llaquinayaita caparicuctami uyarcani. Sionpi causaccunami yallita caparishpa huacacun. Paicuna maquita chutashpaca: “¡Aij ñucalla, cunanca imachari tucusha! Ñucaca huañugrinimi. Cai runacunami ñucataca tucuchigrin” nishpami caparicun» ninmi.

JEREMÍAS 45:3

“Canca: ‘¡Aij, ñucalla! Mandac Diosca ñuca llaquihuan cacpipish, ashtahuan llaquichinmi. Huacacushpalla shaicushcami cani, mana samarinichu’ nicunguimi” ninmi.

JEREMÍAS 5:1

Mandac Diosca: «Cunanca, Jerusalén ñancunapi purishpa alli ricuichic. ¿Cashcata ruhuac, allita mashcac runaca tiyanchu? Plazacunapi mashcaichic. Shuc runallapish allita ruhuac tiyacpica, Jerusalentaca quishpichishami.

OSEAS 9:10

Mandac Diosca: «Israelcunataca shitashca pambapi uvasta taric shinami tarircani. Paicunapac ñaupa taitacunataca punta pucushca higota shinami ricurcani. Ashtahuanpish paicunaca ñucamanta anchurishpami, Baal-peor diosta mañashpa pingai tucurca. Chai diosta catishpami millana tucurca.

NÚMEROS 18:13

Allpapi punta pucushca grano ofrendata ñucaman cushcaca canmanmi canga. Chaicunataca cambac huasipi causac mapa illaccunami micunga.