MIQUEAS 6:9 - Dios Rimashcata Quillcashcami

⁹ Judá llactapi causaccunalla, Mandac Dios llactapi causaccunata quishpichingapac cayanmi. Paipac ñaupapi cumuriccunaca yachaisapami. Mandaccunapish uyaichic.

MIQUEAS 6:9 ပူးပေါင်းရင်းမြစ်များ

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

JOB 10:2

Diostaca: “Ama jatun llaquiman cachaichu. Ñucahuan imamanta piñarishcata ricuchiyari.

JOB 23:14

Pai ñucata imata ruhuasha nishcataca ruhuangatacmi. Tucui pai imata ruhuasha nicushcatami pactachinga.

JOB 5:17

¡Dios llaquichishca runaca alli nishcami can! Tucuita ruhuac Dios llaquichicpica, ama yangapi charinguichu.

SALMOS 107:43

Maijanpish alli yachac, cai yuyaicunata cazucmi Mandac Dios llaquic cashcataca entendinga.

SALMOS 48:10

Sumac Dioslla, cambac shutita alli nina cashca shinallatacmi cantaca tucui cai pachapi causaccuna alli nincuna. Cambac alli maquihuanca cashcatami ruhuangui.

SALMOS 83:18

Cambac shutica Mandac Dios cashcata yachachun. Jahua pachapi causac Diosca tucui cai pachata mandac cashcata ricsichuncuna.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

PROVERBIOS 22:3

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

ISAÍAS 27:10

Muyundita pircashca llactataca llaquinayaitami tucuchishca. Achca carpa huasicunaca shitashcami saquiringa. Chaipimi becicunata michincuna. Chai vecicunami yura ramacunata micushpa tucuchinga.

ISAÍAS 30:27

¡Riquichic, Mandac Diospac shutica carumantami shamun! Paipac ñahuipish nina japirishpa cushnicuc shinami tucushca. Paipac callupish yallita piñarishcami. Paipac shimipish tucuchic nina shinami.

ISAÍAS 66:6

¡Jerusalenpica yallita caparinacuimi uyaricun! ¡Diospac huasipi rimashcami uyaricun! ¡Mandac Dios paita piñaccunata rimashpa llaquichishcami uyaricun!

ISAÍAS 9:13

Shina llaquichicpipish, paicunaca llaquichicpacmanca mana cutirircachu. Tucuita Mandac Diostaca mana mashcarcachu.

JEREMÍAS 26:18

«Judá llactata jatun mandac Ezequías mandacui huatacunapimi, Moreset llactamanta huillac Miqueas Judá llactapi tucui causaccunaman Dios huillashcata huillarca. Pai huillashpaca: “Tucuita Mandac Diosca: Sión urcuca tarpuna allpa tucushpami yapushca canga. Jerusalenca rumi montón shina, ñuca huasi shayacuc lomaca sacha urcumi tucunga” ninmi.

JEREMÍAS 26:6

ima shinami Silo llactata tucuchircani, chashnallatacmi ruhuasha. Shinallatac tucui cai pachapi causaccuna, mana alli nishpa rimachunmi churasha” ninmi ningui» nirca.

JEREMÍAS 47:7

Mandac Dios ñucallatacmi Ascalón llactapi causaccunata, mama cucha ladopi tiyac llactapi causaccunata huañuchichun mandani. Shina cacpica, ¿imamantatac samaringuiyari?» ninmi.

EZEQUIEL 7:9

Ñucaca manatac perdonashachu, manatac llaquishachu. Ashtahuanpish cancuna millaita ruhuashcata taripashpami cancunaman ricuchisha. Shina ruhuacpimi, ñucataca Mandac Dios cashcata yachanguichic.

OSEAS 13:16

Samaria llactapi causaccuna paicunapac Mandac Diosta mana cazushcamantami tucuchishca canga. Paicunataca espadahuanmi huañuchinga. Huahuacunataca ñutuchishpami shitanga. Huicsayuc huarmicunataca huicsatami tucyachinga» ninmi.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

AMÓS 2:5

Chaimantami Judá llactapica ninata japichisha. Chai ninami Jerusalenpi mandashpa tiyana huasicunatapish tucui rupachinga» ninmi.

AMÓS 6:1

¡Sionpi cushilla causaccunalla, Samaria urcupi imatapish mana manchashpa causaccunalla! Tucui llactamanta ashtahuan alli nishca mandaccunami canguichic. Chaimantami israelcunaca cancunapacman shamun.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

MIQUEAS 6:10

Paica: «Ñucata mana manchac runapac huasipica, ¿shuhuashcacuna tiyangaracchu? ¿Ñuca millana, mana alli medinacuna tiyangaracchu?

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

SOFONÍAS 3:2

Mandac Dios rimashcatapish mana uyanchu, alli tucuchun nishpa llaquichicpipish, mana cazunchu. Diospacman mana cuchuyanchu, Mandac Diospica mana shunguta churanchu.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.