MIQUEAS 5:6 - Dios Rimashcata Quillcashcami

⁶ Paicunami Nimrod llactatapish, Asiria llactatapish jatun macanacuita cachashpa tucuchinga. Chashnami ñucanchic llactaman shamushpa, Asiriocunapac maquimanta quishpichinga.

MIQUEAS 5:6 ပူးပေါင်းရင်းမြစ်များ

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

1 CRÓNICAS 1:10

Cuspac churica Nimrodmi carca. Paimi cai pachapica yallita sinchi carca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

JOB 29:22

Ñuca rimacpica pi mana cutichicchu carca. Ñuca yuyaita cushcaca paicunapac yuyaipica allimi carca.

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

SALMOS 72:6

Jatun mandacca pitishca quihuapi sumacta tamyashca shinami canga. Garua tamya allpata nuyuchic shinami tucunga.

ISAÍAS 14:2

Shuctac llactapi causaccunami paicunataca Israel llactaman pushamunga. Chashna shamucpimi, israelcunaca caricunatapish, huarmicunatapish Mandac Diospac llactapi servicta ruhuanga. Chaipimi paicunata prezuccunatapish prezunga. Paicunata utcapi llaquichiccunatapish llaquichinga.

ISAÍAS 14:25

Asiria llacta runacunataca ñuca llactapimi huañuchisha. Ñuca urcucunapimi sarushpa tucuchisha. Shinami ñuca gentecunamanta yugota anchuchisha. Aparishca llashac quipitapish anchuchishami.

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 37:37

Chaimantami Asiria llactata jatun mandac Senaqueribca Nínive llactaman rishpa, chaipi causarca.

ISAÍAS 6:13

Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

NAHÚM 2:11

¿Maipitac leoncuna miticunaca? ¿Maipitac huahua leoncunapac machaica? ¿Maipitac cari leonpish, huarmi leonpish, huahua leonpish pi mana manchachishca causac carca?

SOFONÍAS 2:13

Mandac Diosca jahua lado llactaman maquita alzashpami Asiria llactata llaquichishpa tucuchinga. Nínive llactatapish llaquinayaita tucuchishcami, shitashca pambata saquinga.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

SAN LUCAS 1:71

Paicuna huillashca shinami, ñucanchicta piñashpa mana ricunayachiccunapac maquimanta quishpichinga.

SAN LUCAS 1:74

Ñucanchic imata mana manchashpa, paipacta ruhuac cachunmi, piñaccunapac maquimanta cacharichinga.

SAN LUCAS 24:27

Chashna nishpami, Moisés quillcashcamanta callarishpa, Dios ima nishcata tucui huillaccuna quillcashcacamanmi paimanta huillacushcata entendichirca.

DEUTERONOMIO 32:2

Yachachishcaca tamya shinami chayanga. Ñuca rimashcaca shulla tamya shina, quihuapi garua tamya shinami urmanga.