MIQUEAS 4:4 - Dios Rimashcata Quillcashcami

⁴ Tucui runacunami quiquin uvas yura ucupi, higo yura ucupi pipish mana manchachishca cushilla samaringa. Chaitaca tucuita Mandac Diosmi nin.

MIQUEAS 4:4 ပူးပေါင်းရင်းမြစ်များ

1 REYES 4:25

Salomón causai punzhacunapica Judá llactapi, Israel llactapi causaccunaca Dan pueblomanta Beerseba pueblocamanmi, uvas chagrayuc, higo chagrayuc alli causarcacuna.

1 REYES 5:5

Shina cashcamanta ñucami ñucata Mandac Diospac shutipi mañana huasita shayachinata yuyarircani. Mandac Diosmi ñuca taita Davidtaca: “Can mandashpa causacushcapica cambac churitami cambac randi churasha. Paimi ñuca shutipi mañana huasitaca shayachinga” nishca carca.

JOB 11:19

Can sueñucucpica pi mana manchachingachu. Achcacunami can ayudachun mañac shamunga.

SALMOS 72:3

Urcucunapish can acllashcacunamanca sumacta cushilla causaitami cunga. Lomacunaca cashcata ruhuanatami cunga.

PROVERBIOS 3:25

Cungailla canta llaqui japinatapish, shinallatac Diosta mana manchaccunata llaqui japicpipish, canca mana manchanguichu.

ISAÍAS 1:20

Ashtahuanpish cariyashpa, mana uyasha nishpaca jatun macanacuipimi tucuringuichic. Chaitaca Mandac Dios ñucami nini» ninmi.

ISAÍAS 17:2

Aroer llacta ladopi tiyac llactacunaca shitashcami. Animalcuna shayana pambami tucunga. Chaipi animalcuna sueñucucpica, pipish mana manchachingachu.

ISAÍAS 22:25

Chai punzhapimi sinchi pushtupi clavashca clavoca urmanga. Paipi huarcushcacunapish urmashpa tucuimi ñuturinga. Chaitaca Mandac Dios ñucami nini” ninmi ningui» nirca.

ISAÍAS 26:16

Mandac Dioslla, yallita llaquihuan cashpami, cantaca mashcarca. Can llaquichicpica, yallitami mañarca.

ISAÍAS 32:17

Cashcata ruhuashcamantaca cushi causaimi tiyanga. Cashcata ruhuashpa, causashcamantami samanapish, cushi causaipish huiñaita tiyanga.

ISAÍAS 36:16

¡Ama Ezequías nishcata uyanguichicchu! Asiria llactata jatun mandacca: “Alli tucungapac ñucapacman shamuichic. Shina ruhuashpaca, tucui cancunami cancunapac uvas chagramanta, olivos chagramanta micunguichic. Yacutapish tucui cancunami quiquin junducunamanta ubianguichic.

ISAÍAS 40:5

Chaipimi Mandac Diosca paipac poderta ricuchinga. Chaitaca tucui gentecunami ricunga. Chaitaca Mandac Dios ñucami nini» nirca.

ISAÍAS 54:14

Cashcata ruhuashpami sinchiyachisha. Ima llaquipish mana japingachu. Ima llaquitapish mana manchashpami causangui. Pipish cambacman mana cuchuyangachu.

ISAÍAS 58:14

Mandac Dios ñucaca cushichishami. Cancunataca urcucunamanmi cutin huichai pushashpa, taita Jacoboman cushca allpacunapi pucushcata carasha. Chaitaca Mandac Diosmi nini» ninmi.

JEREMÍAS 23:4

Paicunata michichunca michiccunatami churasha. Shina churacpica, mana manchangacunachu, mana chucchungacunachu. Imapish mana illangachu.

JEREMÍAS 30:10

Mandac Dios ñucaca: «Ñucata servic Jacobolla, ama manchaichu. Israelcunalla, ama chucchuichicchu. Ñucami canpish, cambac huahuacunatapish caru llactapi prezu causacucpi, chaimanta llucchishpa quishpichisha. Jacobopac huahua huahuacunaca mana manchashpami cushilla causanga. Pipish mana ashtahuan manchachingachu.

EZEQUIEL 34:25

Cushi causai tiyachunmi paicunahuan ari ninacusha. Cai llacta millai animalcunataca anchuchishami. Chaimantami shitashca pambapi imata mana manchashpa causanga. Sachapi cashpapish sumactami sueñunga.

EZEQUIEL 34:28

Shuctac llactapi causaccunapish ña mana ashtahuan servichishpa llaquichingachu. Cai allpapi tiyac millai animalcunapish mana micungachu. Pipish mana llaquichingachu. Chaimantami imata mana manchashpa causanga.

EZEQUIEL 38:11

Chaimantami canca: ‘Muyundita mana pircashca, punguta mana aldabashca, macanacunata mana yachac llactacunaman rishpa, chai cushilla causac gentecunata llaquichingapacmi rigrini.

EZEQUIEL 39:26

Paicunapac llactapi imatapish mana manchashpa, cushilla causacushpaca, ñucata mana cazushpa, juchata ruhuashcamantaca mana pingangachu. Chaitaca cungaringami.

LEVÍTICO 26:6

Chai llactapica cushi causaitami cusha. Ña mana manchailla sueñunguichicchu. Llaquichic sacha animalcunatapish anchuchishami. Macanacunapish mana tiyangachu.

MIQUEAS 5:3

Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.

SOFONÍAS 3:13

Saquirishca israelcunaca ima mana allita mana ruhuangachu, mana llullangachu. Llullashpa pita mana umangachu. Paicunata allita michicpimi, imatapish mana manchashpa, cushilla causanga» ninmi.

ZACARÍAS 3:10

Chai punzhapica cancunaca shuctaccunata cayashpami, cancunapac uvas yuracuna, higo yuracuna ucupi tiyachinguichic. Caitaca tucuita Mandac Dios ñucami nini” ninmi» nirca