MIQUEAS 3:6 - Dios Rimashcata Quillcashcami

⁶ Chaimantami tutaca ña mana ñuca ima nishcataca uyanga. Shamuc punzha ima tucunatapish mana yachangachu. Chai huillaccunapacca intipish tigrangami, punzhapish tutayangami.

MIQUEAS 3:6 ပူးပေါင်းရင်းမြစ်များ

SALMOS 74:9

Can ñucahuan cashcata ricuchic señaltapish mana ricunchicchu. Can ima nishcata huillaccunapish mana tiyanchu. Maicaman cai llaquicuna tiyanatapish ñucanchicpurapica pi mana yachanchicchu.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

ISAÍAS 59:10

Ñahui mana ricuc shinami, maquihuan tantiashpa purinchic. Chaupi punzhapi cashpapish, pura tutapi shinami mitcarinchic. Huañushca shinami, amsa ucupi causanchic.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

JEREMÍAS 15:9

Canchis huahuayuc huarmica shungupi yallita llaquirishpami, huañunalla shina tucunga. Intica punzhapiracmi tutayanga. Pingaihuanmi cumuringa. Maijan saquirishcacunataca piñaccunapac ñaupapimi espadahuan huañuchichun churasha» ninmi.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

EZEQUIEL 13:9

Manapish ricushpa yangata rimaccunatapish, llullac huillaccunatapish ñucaca piñashami. Paicunaca ñuca acllashca israelcunahuan mana tandanacungachu. Israelcunapac shuticunata quillcana libropipish mana quillcashcachu canga. Israel llactamanpish mana cutingachu. Chashna ruhuacpimi, ñucataca Mandac Dios cashcata yachanguichic.

EZEQUIEL 7:26

Jatun llaquicunaca catipi, catipimi shamunga. Llaqui huillaccunapish catipi catipimi uyaringa. Ñuca ima nishcata huillactapish yangami mashcanga. Curacunapish mandashcacunata ña mana yachachingachu. Pushac yuyaccunapish mana cunangachu.

AMÓS 8:11

Yalli llaqui punzhacunami chayamun. Chai punzhacunapica yarcaitami cai pachaman cachasha. Mana micuna illashcamantachu yarcachinga. Mana yacu illashcamantachu yacunayachinga. Ashtahuanpish Mandac Dios ñuca huillashca shimita uyanata munashpami yarcaihuan, yacunayaihuan shina puringacuna.

MIQUEAS 2:6

Paicunaca: “¡Ama huillaichicchu! ¡Chaicunamanta ama huillaichicchu! ¡Ima llaquipish mana japingachu!” nincunami.