MIQUEAS 3:4 - Dios Rimashcata Quillcashcami

⁴ Shina ruhuashpapish Mandac Diosta mañanguichicmi. Cancuna mañacpica, paica mana uyangachu. Cancuna juchacunata ruhuashpa causacushcamantami llaqui punzhacunapica, paipac ñahuitaca cancunamanta pacanga» nircani.

MIQUEAS 3:4 ပူးပေါင်းရင်းမြစ်များ

JOB 27:9

¿Paita jatun llaqui japicpi, Diosta mañashpa caparicpica uyangachu?

JOB 35:13

Yanga rimashcacunataca Diosca mana uyanchu. Tucui poderta charic Diosca ricunallatapish mana ricunchu.

SALMOS 18:41

Paicuna caparicpipish pi mana ayudarcachu. Can Mandac Diostapish mañarcacunami, canpish mana uyarcanguichu.

PROVERBIOS 1:28

Chai llaquicuna japicpimi, ñucata mañangacuna. Shina mañacpipish ñucaca mana uyashachu. Ñucata yallita mashcashpapish, mana taringacunachu.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

JEREMÍAS 11:11

Chaimantami Mandac Dios ñucaca yallita llaquichigrini. Chai llaquimanta mana quishpiri pudishpami, ñucata caparishpa mañanga. Chashna mañacpipish, manatac uyashachu.

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

JEREMÍAS 33:5

“Caldeocunami cai llactapi causaccunata tucui huañuchishpa tucuchingapac shamurca. Paicunallatac mana alli ruhuashpa causacushcamantami yallita piñarishpa, cai llactapi causaccunataca ñuca ñahuita pacashpa mana ricurcani.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

MIQUEAS 3:7

Chaimantami huillaccunapish, adivinocunapish pingaihuan yuyai illac saquiringa. Ñucaca paicuna mañashcataca mana uyashachu. Chaimantami shimita taparinga» ninmi.

MIQUEAS 7:13

Cai pachaca shitashca pamba shinami saquiringa. Cai pachapi causaccuna mana allita ruhuashcamanta chashna canga.

ZACARÍAS 7:13

Chaimantami tucuita Mandac Diosca: «Ñuca paicunata cayacpi, mana cazushca shinallatacmi paicuna mañashcataca mana uyarcani.

SAN MATEO 7:22

Taripana punzhapica taucacunami: “Apunchic Jesús, Apunchic Jesús, cambac shutipimi huillacurcanchic, supaicunatapish llucchircanchic, milagrocunatapish ruhuarcanchic” ningacuna.

SAN LUCAS 13:25

Huasiyuc jatarishpa, punguta huichcashca quipa, cancuna canzhapi saquirishpaca: “Huasiyuc, amito, punguta pascai” nicunguichic. Chashna nicpica huasiyucca: “Pichari canguichic, mana ricsinichu” ningami.

SAN JUAN 9:31

Diosta mana cazuccuna mañashcata mana uyac cashcataca allimi yachanchic. Ashtahuanpish paita manchacta, pai munashcata ruhuac mañashcataca uyanmi.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

1 SAMUEL 8:18

Cancunallatac acllashca jatun mandac llaquichicuc punzhacunapi caparishpa mañacpipish, Mandac Diosca mana uyangachu— nirca.