MIQUEAS 1:12 - Dios Rimashcata Quillcashcami

¹² Mandac Diosllatac Jerusalén pungucaman llaquicunata cachacpica, ¿ima shinatac Marot llactapi causaccunaca cushilla cangayari?

MIQUEAS 1:12 ပူးပေါင်းရင်းမြစ်များ

JOB 30:26

Ashtahuanpish allita shuyacucpica, mana allimi shamurca. Achicta shuyacucpica, amsaracmi chayamurca.

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

JEREMÍAS 14:19

Jeremiasca: «Judá llactapi causaccunataca, ¿huiñaitachu shitarcangui? ¿Sión llactataca yallitachu millarcangui? ¿Ima nishpatac mana jambiripacta ñucanchictaca chugrichircangui? Cushi punzhata shuyacucpica, ima alli mana shamurcachu. Jambirina punzhata shuyacucpica, manchaimi shamurca.

JEREMÍAS 8:15

Alli causaita shuyacucpica, alli causai punzhaca mana shamunchu. Jambirinata munacucpica, yalli manchaimi japin.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

MIQUEAS 1:9

Samaria llactapi causaccunapac sisu ungüica mana jambipac cashpami Judá llactacaman chayarca. Ñucapaclla, Jerusalén yaicunacamanmi chayarca.

RUT 1:20

Shina cacpimi Noemica: —Ama Noemí nishpa cayaichicchu, ashtahuanpish Mara nishpa cayaichic. Imatapish ruhuac Diosca yalli llaquitami ñucaman cushca.

1 SAMUEL 4:13

Chai runa chayacpica, Elimi ñan ladopi chapashpa bancupi tiyacushca carca. Paica Diospac Arcata yuyarishpami shungupica chucchushpa tiyacurca. Chai runa Silo puebloman chayashpa paicunaman huillacpica, tucui chai pueblopi causaccunami yallita caparicurca.