SAN MATEO 9:35 - Dios Rimashcata Quillcashcami

³⁵ Jesusca tucui pueblocunatapish, llactacunatapish purishpami, israelcuna tandanacuna huasicunapi yachachirca. Dios mandacucmanta alli huillaita huillashpami, tucuilaya ungushcacunatapish alliyachishpa, nanaicunatapish anchuchishpa puricurca.

Nuevo Testamento en Quichua Cañar 1996

³⁵ Jesusca tucui pueblocunatapish, llactacunatapish purishpami, israelcuna*f** tandanacuna huasicunapica yachachirca. Shinallatac Taita Dios mandacucmanta alli huillaita huillashpami, tucui laya ungushcacunatapish, nanaihuan caccunatapish alliyachishpa puricurca.

SAN MATEO 9:35 ပူးပေါင်းရင်းမြစ်များ

SAN MATEO 10:1

Jesusca paipac chunga ishcai yachacuccunata cayashpaca, supaicunatapish llucchichun, tucuilaya ungüitapish alliyachichun, nanaicunatapish anchuchichunmi poderta curca.

SAN MATEO 11:1

Jesús paipac chunga ishcai yachacuccunata yachachishpaca, Galilea llacta pueblocunapi yachachishpa, alli huillaita huillangapacmi rirca.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

MARCOS 1:14

Bautizac Juan carcelpi cacpimi, Jesusca Galilea llactaman rirca. Chaipi Dios mandacucmanta alli huillaita,

MARCOS 6:56

Mai puebloman, mai llactaman, mai huasicunaman Jesús chayacpica, ñancunapimi ungushcacunata churarca. Shina churashpaca churana puntallapipish tuparichun saquichunmi mañarca. Jesuspac churanapi tupariccunaca, tucuimi alliyarca.

MARCOS 6:6

Jesusca chai gentecuna mana crishcamantami yallita llaquirishpa, chai muyundi llactacunapi yachachishpa puricurca.

SAN LUCAS 13:22

Jesús Jerusalenman ricushpaca, pueblocunapipish, uchilla llactacunapipish yachachishpami rirca.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

HECHOS 2:22

Tucui israelcuna, cai ñuca huillashcata alli uyaichic. Diosca Nazaret pueblomanta Jesusta cachashpami, mancharinacunata ruhuachishpa, milagrocunata ricuchishpa, Jesús pi cashcata cancunaman ricuchirca. Chaitaca cancunallatacmi alli yachanguichic.