SAN MATEO 8:22 - Dios Rimashcata Quillcashcami

²² Shina nicpimi Jesusca: —Saqui, huañushcacuna huañushcacunata enterrachun. Canca catilla— nirca.

Nuevo Testamento en Quichua Cañar 1996

²² Chashna nicpi Jesusca: —Saqui, huañushca shina causaccuna huañushcacunata enterrachun. Canca ñucata c'atilla— nirca.

SAN MATEO 8:22 ပူးပေါင်းရင်းမြစ်များ

1 REYES 19:20

Chashna ruhuacpimi, Eliseoca yuntata saquishpa, Eliasta catishpa rishpaca: —Ñuca taitata, ñuca mamata muchashpa cayacaman ningapac shuyai. Chai quipaca canta catishallami— nirca. Shina nicpimi Eliasca: —Cutimugrilla, ñucaca mana jarcacunichu— nirca.

SAN MATEO 8:21

Shina nicpimi, yachacuccunapuramanta shucca: —Apunchic Jesús, shuyai, ñuca taitatarac enterramugrisha— nirca.

SAN MATEO 9:9

Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca: —Ñucata cati— nirca. Chashna nicpimi, Mateoca jatarishpa catishpa rirca.

MARCOS 2:14

Chaimanta rishpaca, impuestota chasquina mizapi Alfeopac churi Leví tiyacuctami ricurca. Paita ricushpaca: —Ñucata cati— nirca. Shina nicpimi, Levica jatarishpa, Jesusta catishpa rircalla.

SAN LUCAS 15:24

Ñuca churica, huañushcami carca, causarishcami. Chingarishcami carca, cunanca cutimushcami” nirca. Chashnami yallita cushicui callarirca.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN LUCAS 9:59

Shinallatac Jesusca shuc runataca: —Jacu ñucahuan— nirca. Shina nicpimi, chai runaca: —Apunchic Jesús, ñuca taitatarac enterrangapac risha. Quipata catishallami— nirca.

SAN LUCAS 9:60

Chashna nicpimi Jesusca: —Huañushcacuna huañushcacunata enterrachun saqui. Canca, Dios mandacucmanta alli huillaita huillangapac shamui— nirca.

SAN JUAN 1:43

Jesusca cayandi punzhaca Galilea llactaman rinatami yuyarirca. Pai ricushpa, Felipehuan tupashpaca: —Ñucata cati— nirca.

SAN JUAN 21:19

Jesús chashna nishpaca, Pedro ima shina huañunamanta, shinallatac huañushpa Dios jatun cashcata ricuchinamantami entendichicurca. Chai quipaca: —Ñucata catilla— nircami.

SAN JUAN 21:22

Chashna tapucpi Jesusca: —Ñuca cutimungacaman paita causacuchunlla nicpipish, ¿canmanca imatac curinyari? Ashtahuanpish canca ñucata catilla— nirca.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.

EFESIOS 2:5

Chashna cuyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Dios cuyashcallamantami, cancunaca quishpirishca canguichic.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

COLOSENSES 2:13

Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Diosca juchacunata perdonashpami, Jesucristohuan pacta causachirca.

1 TIMOTEO 5:6

Ashtahuanpish quiquin munaita ruhuashpa causac viudaca, causacushpapish huañushca shinami can.