SAN MATEO 8:20 - Dios Rimashcata Quillcashcami

²⁰ Chashna nicpimi Jesusca: —Atuccunapish machaita charinmi. Volac animalcunapish cuzhata charinmi. Ashtahuanpish Runa Tucungapac shamushca ñucaca, maipi umata samachinallatapish mana charinichu— nirca.

Nuevo Testamento en Quichua Cañar 1996

²⁰ Chashna nicpi Jesusca: —Atuccunapish, maipi suiñuna jutcuta charinmi. Zhutacunapish, maipi suiñuna c'uzhata charinmi. Ashtahuanpish Runa Tucungapac shamushca*f** ñucaca, maipi umata samachinallatapish mana charinichu— nirca.

SAN MATEO 8:20 ပူးပေါင်းရင်းမြစ်များ

SALMOS 104:12

Volac animalcunapish chai yacu uricunapimi causan. Yura ramacunapi tiyarishpami cushilla silbancuna.

SALMOS 104:17

Chai yuracunapimi zhutacunaca causan. Ciprés yuracunapimi cigüeñacunaca cuzhata ruhuashpa causan.

SALMOS 109:22

Ñucaca imatapish mana charic huacchami cani. Ñuca shungupish chugririshcami.

SALMOS 40:17

Ñuca ima illaclla huaccha cacpipish, Mandac Diosca yuyaringami. Mandac Dioslla, ñucata ayudac, ñucata quishpichicmi cangui. ¡Mandac Dioslla, ama unayaichu!

SALMOS 69:29

Ñucaca nanaihuan llaquirishcami cani. Dioslla, can quishpichishpa ashtahuan jahuaman churaiyari.

SALMOS 84:3

¡Tucuita Mandac Dioslla, jatun Mandac Diosmi cangui! Zhutacunapish, quindicunapish, cambac altarcuna cuchupimi cuzhata ruhuancuna. Chaipimi paicunapac huahuacunata huiñachincuna.

DANIEL 7:13

Tuta muscuipi shina ricucucpimi, jahua pacha puyupi Runa tucushcapac churi shina, maijanchari shamucucta ricurcani. Chai yuyac runapac ñaupaman shamucpimi, yuyac runapacman pusharca.

SAN MATEO 12:32

Runa Tucungapac shamushca ñucata rimactaca Diosca perdonangami. Ashtahuanpish Diospac Espirituta rimactaca, cai pachapipish, quipa punzhapipish Diosca manatac perdonangachu.

SAN MATEO 12:40

Ima shinami Jonás quimsa tutata, quimsa punzhata shuc jatun challuapac huicsapi carca, chashnallatacmi Runa Tucungapac shamushca ñucaca, quimsa tutata, quimsa punzhata allpa ucupi casha.

SAN MATEO 12:8

Runa Tucungapac shamushca ñucami, samana punzha cacpipish, imata ruhuanataca yachani— nirca.

SAN MATEO 13:37

Chashna tapucpimi Jesusca: —Alli muyuta jichac shinaca, Runa Tucungapac shamushca ñucami cani.

SAN MATEO 16:13

Jesús cuchulla Filipo mandacuc Cesarea puebloman chayashpa, paipac yachacuccunataca: —Runa Tucungapac shamushca ñucataca, ¿pi cashcatatac gentecunaca yuyan?— nirca.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN MATEO 17:9

Jesús yachacuccunahuan urcumanta cutishpaca: —Cai ricushcataca Runa Tucungapac shamushca huañushpa, causaringacaman paimanta ama huillanguichicchu— nishpami mandarca.

SAN MATEO 19:28

Chaimantami Jesusca: —Cai pachata Dios mushucta ruhuacucpimi, Runa Tucungapac shamushca ñucaca, sumaimana achicllapi mandai callarisha. Chaipica cancunapish ñucata caticcuna cashcamantaca, chunga ishcai mandaccuna mandashpa tiyarinapi tiyarishpami, chunga ishcai Israel aillucunata mandanguichic. Chaica chashnatacmi canga.

MARCOS 8:38

Maijanpish cai pachapi Diosta mana cazuc, juchayuc gentecunapac ñaupapi ñucamanta, ñuca huillashcacunamanta huillanata pingacpica, Runa Tucungapac shamushca ñucapish ñuca Taitapac poderhuan, paipac sumac jucha illac angelcunahuan achicyachishpa cutimushpa pingashami— nirca.

SAN LUCAS 12:8

Ñucaca: Maijanpish gentecunapac ñaupapi “ricsinimi” nictaca, Runa Tucungapac shamushca ñucapish Diospac angelcunapac ñaupapi “ricsinimi” nishami.

SAN LUCAS 18:8

Ñucaca ninimi: Diosca utcami paicunamanca allita ruhuanga. Ashtahuanpish Runa Tucungapac shamushca ñuca cutimucpica, ¿chashna criccunaca cai pachapica tiyangachu?» nirca.

SAN LUCAS 2:12

Cancuna rishpaca, huagracuna shayana ucupi maitushca huahua ucsha jahuapi siricuctami ricunguichic— nirca.

SAN LUCAS 2:16

Chashna utca rishpaca, huagracuna shayana ucupi Josetapish, Mariatapish, ucsha jahuapi huahua siricuctapishmi ricurca.

SAN LUCAS 2:7

Pozana huasi mana pactashcamantami, paipac punta cari huahuataca huagracuna shayana ucupi sajuarirca. Chai huahuataca maitushpami, ucsha jahuallapi sirichirca.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

SAN LUCAS 8:3

Herodespac mayordomo Chuzapac huarmi Juanapishmi carca. Shinallatac Susanapish, shuctac huarmicunapishmi carca. Paicunami imalla charishcacunahuan Jesusta ayudaccunami carca.

SAN LUCAS 9:58

Chashna nicpimi Jesusca: —Atuccunapish machaicunata charinmi. Volac animalcunapish cuzhacunataca charinmi. Ashtahuanpish Runa Tucungapac shamushca ñucaca, maipi umata samachinallatapish mana charinichu— nirca.

SAN JUAN 1:51

Shinallatac Jesusca: —Jahua pacha pascarictapish, Diospac angelcuna Runa Tucungapac shamushca ñucapac jahuata huichicucta, uricuctami ricunguichic. Chaica chashnatacmi canga— nirca.

SAN JUAN 12:34

Chaipi caccunaca: —Dios quillcachishcapica “Cristo huiñaitami causanga” ninmi. ¿Ima nishpatac canca: “Runa Tucungapac shamushcaca caspipi huarcushcami canga” nicungui? ¿Pitac chai Runa Tucungapac shamushcaca?— nirca.

SAN JUAN 13:31

Judas llucshishpa ricpimi Jesusca: —Cunanmi Runa Tucungapac shamushca ñucaca jatunyachishca cagrini. Diospish ñucamantami jatunyachishca canga.

SAN JUAN 3:13

Jahua pachamanca pi mana rishcachu, ashtahuanpish Runa Tucungapac shamushca ñucallami jahua pachamanta shamurcani. Ñucami jahua pachapi causacca cani.

SAN JUAN 3:14

Ima shinami Moisés shitashca pambapi broncemanta ruhuashca culebrata caspipi huarcushpa ricuchirca, shinallatacmi Runa Tucungapac shamushca ñucapish, caspipi huarcushca cana cani.

SAN JUAN 6:27

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

SAN JUAN 6:53

Shina nicpimi Jesusca: —Runa Tucungapac shamushca ñuca aichata cancuna mana micushpa, ñuca yahuarta mana ubiashpaca, mana causaita charinguichicchu. Chaica chashnatacmi can.

SAN JUAN 6:62

Runa Tucungapac shamushca ñuca ñaupa maipi cashcaman ricta ricushpaca, ¿imashi tucunguichic?

HECHOS 7:56

Chashna ricushpami, Estebanca: «Ñucaca jahua pacha pascarishpa, Runa Tucungapac shamushca Jesús Diospac alli lado maquiman shayacuctami ricuni» nirca.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.