SAN MATEO 8:11 - Dios Rimashcata Quillcashcami

¹¹ Ñucaca ninimi: Achcacunami inti llucshinamanta, inti yaicunamanta tandarishpa, ñaupa taita Abrahamhuan, Isaac-huan, Jacobohuan jahua pacha Dios mandacucpi micungapac tiyaringa.

Nuevo Testamento en Quichua Cañar 1996

¹¹ Cancunaman huillanimi: Achcacunami inti llucshicmanta, inti yaicucmanta tucui tandarishpa, ñaupa taita Abrahamhuan, Isaachuan, shinallatac Jacobohuan jahua pacha Taita Dios mandacucpi micungapac tiyaringacuna.

SAN MATEO 8:11 ပူးပေါင်းရင်းမြစ်များ

GÉNESIS 12:3

Canta alli niccunataca alli nishami, mana alli niccunataca mana alli nishachu. Canmantami tucui cai pachapi causaccunaca bendiciashca canga» nirca.

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

SALMOS 98:3

Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.

ISAÍAS 11:10

Chai punzhacunapica Isaipac sapimanta huiñashcatami llactacunapi causaccuna mashcanga. Paica banderata shayachishca shinami, tucuipac ricuipi shayacunga. Pai causana huasica sumaimanami canga.

ISAÍAS 49:12

Riquichic, maijancunaca caru llactamantapish, jahua ladomantapish, inti tigrana ladomantapish, Sinim llactamantapishmi shamunga.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SAN MATEO 21:41

Shina nicpimi paicunaca: —Mana llaquishpami, chai runacunataca huañuchinga. Chashna huañuchishpami, chagrayucca chagrata chaupina punzha chayamucpi, chaupishpa cuclla shuctac runacunaman cunga— nirca.

SAN MATEO 24:31

Ñuca angelcunata cachashpami. Paicunami trompetapi sinchita tocashpa, ñuca acllashcacunataca tucui cai pachamanta tandachinga.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

SAN MATEO 8:10

Chaita Jesús uyashpaca mancharircami. Chaimantami paita caticcunataca: —Cashna cric runataca, israelcunapurapipish mana tarishcanichu. Chaica chashnatacmi.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 16:22

Huaccha runa ña huañucpica, angelcunami jahua pachapi causacuc Abrahampac cuchuman aparca. Shinallatac chayuc runa huañucpica, enterrarcami.

HECHOS 10:45

Pedrohuan shamuc Jesusta cric israelcunaca, Diospac Espíritu mana israelcunapacmanpish shamushcata ricushpami mancharircacuna.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

HECHOS 14:27

Antioquía puebloman chayashpaca, chaipi causac tandanacushca criccunatami tandachirca. Chashna tandachishpami, Dios paicunahuan cacpi, ima allicunata ruhuashcatapish, mana israelcunacaman quishpirichun Dios saquishcatapish parlarca.

1 CORINTIOS 15:20

Ashtahuanpish Cristo huañushcacunapuramanta causarishpaca, (criccunapac causarina callari shinami tucurca.)

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamantami mana israelcunapish, israelcunahuan pacta japina cashcata japingacuna. Paicunapish shuc cuerpo shina cashcamantami, Jesucristomanta Dios cusha nishcataca chasquingacuna.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

2 TESALONICENSES 1:5

Cancuna chai shina llaquita apashpaca, Dios cashcatatac ruhuashpa taripac cashcatami ricunguichic. Dios maipi mandacucman yaicungapacmi chai shina llaquita apacunguichic.

APOCALIPSIS 7:6

Aserpac aillupuramanta chunga ishcai huaranga, Neftalipac aillupuramanta chunga ishcai huaranga, Manasespac aillupuramanta chunga ishcai huaranga,