SAN MATEO 6:22 - Dios Rimashcata Quillcashcami

²² Cuerpopac luz shinaca ñahuimi. Chaimanta cambac ñahui alli cacpica, tucui cuerpomi achicpi canga.

Nuevo Testamento en Quichua Cañar 1996

²² Ñahuicunami cuerpopac luz shinaca. Chashna cashcamanta cambac ñahui alli cacpica, tucui cuerpomi achicpi canga.

SAN MATEO 6:22 ပူးပေါင်းရင်းမြစ်များ

ISAÍAS 5:20

¡Aij, mana allitaca allimi, allitaca mana allichu niccunalla! Paicunaca achictaca amsami, amsataca achicmi nincunami. Cutin jayactaca mishquimi, mishquitaca jayacmi nincunami.

SAN MATEO 5:15

Luzta japichishpaca mana cajón ucupi churanchu, ashtahuanpish ucupi caccunata achicyachichunmi, pata jahuapi churan.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

2 CORINTIOS 11:3

Shina cashpapish ima shinami culebra paipac yachac tucushca cashcahuan Evata umashpa crichirca, chashnallatac cancunamantapish Cristota tucui shunguhuan catina yuyaita anchuchishpa, chingachinatami manchani.

EFESIOS 6:5

Cai pachapi amocunapacta ruhuaccuna, Cristota cazuc shinallatac, shungumanta imata ruhuana cacpipish manchaihuan, amopacta ruhuaichic.

COLOSENSES 3:22

Serviccunapish, cai pachapi tiyac amocuna tucui ima nishcata cazushpa, ama paicuna ricucucpi alli ricuringaraiculla ruhuac tucuichicchu, ashtahuanpish Apunchic Jesusta alli niccuna cashcamanta, tucui shunguhuan ruhuaichic.