SAN MATEO 5:17 - Dios Rimashcata Quillcashcami

¹⁷ Ñucataca ‘Mandashcacunata, Dios ima nishcata huillaccuna huillashcata anchuchingapacmi shamushca’ nishpaca, ama yuyanguichicchu, ashtahuanpish mandashcacunata pactachingapacmi shamurcani.

Nuevo Testamento en Quichua Cañar 1996

¹⁷ Ñucataca ‘Moisés mandashcacunata, shinallatac Diosmanta ñaupa huillaccuna huillashcacunata anchuchingapacmi shamushca’ nishpaca, ama yuyaichicchu, ashtahuanpish mandashcacunataca pactachingapacmi shamurcani.

SAN MATEO 5:17 ပူးပေါင်းရင်းမြစ်များ

ISAÍAS 42:21

Shina cacpipish, Mandac Dios ñucami cashcata ruhuac cashpa, mandashcacunataca sumac cashcata, jatun cashcata ricuchichun curcani.

SAN MATEO 3:15

Shina nicpimi Jesusca: —Cunanca bautizailla. Ñucanchicca Dios mandashcatami pactachina canchic— nicpimi, Juanca bautizarca.

SAN MATEO 7:12

Ima shinami shuccuna cancunaman allita ruhuachun ninguichic, chashnallatac cancunapish shuccunaman allita ruhuaichic. Chaitami Moisés mandashcacunapipish, Dios ima nishcata huillashcapipish nicun.

SAN LUCAS 16:17

Jahua pachapish, cai pachapish tucurinallami, ashtahuanpish Dios mandashcacunaca, shuc rimaillapish mana chingaringachu, pactacungallami.

SAN JUAN 8:5

Moisés mandashcapica, cai shina mana allita ruhuac huarmicunataca rumihuan shitashpa huañuchichun ninmi. Canca, ¿imatatac ningui?— nirca.

HECHOS 18:13

Chaiman apashpaca: —Cai runaca mandashcacunapi nishcata mana cazushpami, Diosta yuyarichunca, shuclayata yachachin— nirca.

HECHOS 21:28

Chashna japishpaca: “¡Israelcuna, ayudaichic! Cai runami ñucanchic llactatapish, Moisés mandashcacunatapish, Diosta mañana huasitapish yangapi churashpa, tucui llactacunapi yachachishca. Cunancarin, mana israelcunata Diosta mañana huasiman yaicuchishpami, Diospaclla huasitaca mapayachicun” nishpa caparirca.

HECHOS 6:13

Chaipimi llullac huillaccunaca: —Cai runaca Diospac huasitapish, Moisés mandashcacunatapish rimactami uyarcanchic.

ROMANOS 10:4

Maijanpish crishpalla Dios chasquishca cachunca, Cristollami mandashcacunata pactachirca.

ROMANOS 3:31

Shina cacpica, Jesusta crishcamantaca, ¿Moisés mandashcacunata yangallami ninachu canchic? ¡Mana chashnachu! Ashtahuanpish chai mandashcacuna alli cashcatami ricuchinchic.

ROMANOS 8:4

Chaica, cashcata nic mandashcacunata pactachichunmi, chashnaca ruhuarca. Ñucanchicca mana jucha munashca shinachu causacunchic, ashtahuanpish Diospac Espíritu yuyaita cushca shinami causacunchic.