SAN MATEO 4:15 - Dios Rimashcata Quillcashcami

¹⁵ Paica: «¡Zabulonpac, Neftalipac causana Galilea llactalla! ¡Jordán yacu chimba ladopi cac, jatun cucha patapi tiyac, mana israelcuna causana Galilea llactalla!

Nuevo Testamento en Quichua Cañar 1996

¹⁵ Paica: “¡Zabulonpac, Neftalipac causana Galilea llactalla! ¡Jordán yacu chimba ladopi cac, jatun cucha cuchupi tiyac, mana israelcuna*f** causana Galilea llactalla!:

SAN MATEO 4:15 ပူးပေါင်းရင်းမြစ်များ

1 REYES 9:11

Chai huasicunata ruhuangapacca Tiro llactata jatun mandac Hirammi cedro caspicunata, ciprés caspicunata, shinallatac curitapish mashna munashcata curca. Chaimantami jatun mandac Salomonca Galilea llacta ishcai chunga pueblocunata Hiramman curca.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

ISAÍAS 9:1

Shina cacpipish, chai mancharina llaquihuan causaccunaca mana chashna causacungallachu. Ñaupa punzhacunapica Diosmi Zabulonpac, Neftalipac aillucunata llaquichirca. Shina llaquichishpapish, mana israelcuna causacuc Galilea llactapi causaccunatapish, mama cucha patacunapi causaccunatapish, Jordán yacu chimba ladopi causaccunatapish yallitami cushichinga.

SAN MATEO 4:13

Shina cashpapish Nazaret pueblopica ña mana causagrircachu, ashtahuanpish Galilea jatun cucha patapi cac Capernaúm pueblopimi causagrirca. Chai puebloca ñaupa taita Zabulonpac, Neftalipac causana llactapimi carca.

SAN MATEO 4:14

Dios ima nishcata huillac Isaías huillashca pactachunmi, chaipi causagrirca.

SAN MATEO 4:25

Chaimantami Galilea llactamantapish, Decápolis nishca chunga pueblocunamantapish, Jerusalén pueblomantapish, Judea llactamantapish, Jordán yacu chimba ladopi cac llactacunamantapish, achca gentecuna Jesustaca catirca.

SAN LUCAS 24:27

Chashna nishpami, Moisés quillcashcamanta callarishpa, Dios ima nishcata tucui huillaccuna quillcashcacamanmi paimanta huillacushcata entendichirca.

JOSUÉ 20:7

Shina nicpimi, paicunaca Neftalí aillupac urcupi, Galilea llactapi cac Cedes pueblota, Efrainpac aillucunapac urcupi cac Siquem pueblota shinallatac Judá aillupac urcupi cac Hebrón nishca Quiriat-arba pueblota acllarca.

JOSUÉ 21:32

Neftalí aillupac llactamantaca Galilea llactapi cac Cedes pueblota, Hamot-dor pueblota, Cartán pueblotami michina pambacunandi curca. Tucuica quimsa pueblocunatami curca. Shinallatac huañuchishpa miticuna pueblotapish curcami.