SAN MATEO 27:6 - Dios Rimashcata Quillcashcami

⁶ Curacunata mandac curacuna chai cullquita japishpaca: “Caica shuc runata huañuchingapac randishca cullquimi. Chaimanta ofrendata tandanapica, mana churanachu canchic” nirca.

Nuevo Testamento en Quichua Cañar 1996

⁶ Curacunata mandac curacuna chai cullquita tandashpaca: “Cai cullquica, shuc runata huañuchingapac randishca cullquimi. Diosman cushca cullquita tandanapica, mana churanachu canchic” nircacuna.

SAN MATEO 27:6 ပူးပေါင်းရင်းမြစ်များ

ISAÍAS 61:8

Mandac Diosca: «Ñucaca cashcata ruhuachunmi munani. Shuhuashpa, ñucaman cushpa, tucui rupachiccunataca mana ricunayachinichu. Allita ruhuaccunamanca allitami cusha. Paicunahuanca huiñaipacmi ari ninacusha.

SAN MATEO 23:24

¡Ñahui mana ricuc pushaccunalla! Cancunaca micunamanta chuspita anchuchishpa micushpapish, camellotaca mana anchuchishpami micunguichic.

SAN MATEO 27:5

Shina nicpimi, Judasca Diosta mañana huasi ucupi cullquita shitashpa, sipiringapac rirca.

SAN MATEO 27:7

Shina ninacushpami, caru llacta runa huañucpi enterrangapac, mangata ruhuacpac allpata randirca.

MARCOS 7:11

Ashtahuanpish cancunaca: “Taita mama imata mañacpica, ‘ñuca charishcacunaca Diosman cushca ofrendami. Chaimanta mana ayudai pudinichu’ ninallami” nishpami yachachinguichic.

SAN JUAN 18:28

Curacunata mandac Caifaspac huasimantaca, Roma llactata mandashpa tiyana huasimanmi Jesusta aparcacuna. Ña tutamantami carca. Chaimantami Pascua micuita micungapacca ama mapayashun nishpa, israelcunaca jatun mandacpac ucuman mana yaicurca.

DEUTERONOMIO 23:18

Mandac Diospac huasimanca ama huainayashpa japishca cullquita apamunguichicchu. Caripura chayarinacushpa japishca cullquitapish ama apamunguichicchu. Mandac Diosca ishcaitatacmi millanayachin.