SAN MATEO 27:32 - Dios Rimashcata Quillcashcami

³² Chaimanta ricushpami, Cirene pueblomanta Simón runahuan tuparca. Paimanmi Jesuspac cruzta apachishpa rircacuna.

Nuevo Testamento en Quichua Cañar 1996

³² Ña cruzpi chacatangapac ricushpaca, Cirene pueblomanta cac Simón runahuanmi tuparcacuna. Paimanmi Jesusta chacatana cruzta apachishpa rircacuna.

SAN MATEO 27:32 ပူးပေါင်းရင်းမြစ်များ

1 REYES 21:10

Chai quipaca: “Diostapish, jatun mandactapish, mana alli nishpami rimarcangui” nishpa, juchanchishpa huillachun ishcai millai runacunata, paipac ñaupapi tiyachichic. Paicuna cashna huillacpica, pueblomanta llucchishpa rumicunahuan shitashpa huañuchinguichic» nirca.

1 REYES 21:13

Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

LEVÍTICO 4:12

carpa huasimanta carupi, uchupata shitana chuyanlla pambapimi yanta jahuapi churashpa rupachinga.

LEVÍTICO 4:21

Chai quipaca punta becita rupachishca shinallatacmi carpa huasimanta canzhaman llucchishpa rupachinga. Chaica tandanacushca israelcunapac juchata pichachun cushca ofrendami canga.

LEVÍTICO 4:3

Aceitehuan cahuishca cura juchallishpa, tucui israelcunata juchayucta ruhuashpaca, ima mana tucushca becitami chai juchata pichachun Mandac Diosman cuna can.

SAN MATEO 16:24

Chaimanta Jesús paipac yachacuccunataca: —Maijanpish ñucata catisha nishpaca, quiquin causaita mana llaquishpa, cruzta apac shina llaquita apana cashpapish, ñucata catichun.

SAN MATEO 5:41

Maijan quipita shuc kilometrota apashpa cui nicpica, ishcai kilometrota apangui.

MARCOS 15:21

Alejandropac, Rufopac taita, Cirene llacta Simonmi chagramanta shamurca. Paimanmi Jesuspac cruzta apachirca.

SAN LUCAS 23:26

Jesusta chacatangapac apacushpami, campomanta shamucuc Cirene pueblomanta Simonhuan tuparca. Paitami Jesuspac huashata cruzta apachishpa pusharca.

SAN JUAN 19:17

Jesusca cruzta aparishpami, Gólgota urcuman llucshirca. Gólgota nishpaca, Hebreo rimaipi, “uma tullu” nisha ninmi.

HECHOS 11:20

Chashna cacpipish, Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish Apunchic Jesusmanta alli huillaita huillarcami.

HECHOS 13:1

Antioquía pueblo tandanacushca criccunapica, Dios ima nishcata huillaccunapish, yachachiccunapishmi tiyarca. Paicunaca: Bernabé, Níger nishca Simón, Cirene pueblomanta Lucio, Galilea llactata mandac Herodes-huan huiñac Manaén, Saulomi carca.

HECHOS 2:10

Frigia llactamanta, Panfilia llactamanta, Egipto llactamanta, Africa, Cirene pueblo cuchulla llactacunamantami canchic. Roma llactapi causac israelcunapish, Israel aillucunapishmi canchic. Maijancunaca israelcuna yachachishcata caticcunallami canchic.

HECHOS 6:9

Chaimantami, maijan “Servic cashcamanta cacharichishca” nishcacunapish, Cirene pueblomanta, Alejandría pueblomanta, Cilicia llactamanta, Asia llactamanta runacunapish Estebanhuan rimari callarircacuna.

HECHOS 7:58

Chashna japishpami pueblomanta llucchishpa, huañuchingapac rumicunahuan shitai callarirca. Shina shitacucpimi, Estebanta juchanchishpa huillaccunaca paicunapac jahualla churanacunata surcushpa, Saulo mosoman mingarca.