SAN MATEO 26:55 - Dios Rimashcata Quillcashcami

⁵⁵ Shinallatac Jesusca paita japiccunataca: —¿Shuhuacta shinachu espadacunahuan, caspicunahuan japingapac, shamunguichic? Punzhantami Diosta mañana huasipi yachachishpa cancunahuan carcani. Chaipica mana japircanguichicchu.

Nuevo Testamento en Quichua Cañar 1996

⁵⁵ Shinallatac Jesusca paita japiccunataca: —¿Ñucataca shuhuata shinachu japingapac, cancunaca espadacunahuan, caspicunahuan shamunguichic? Punzhantami Diosman mañana huasipica yachachicurcani. Chashna yachachicucpipish, mana japircanguichicchu.

SAN MATEO 26:55 ပူးပေါင်းရင်းမြစ်များ

SAN MATEO 21:23

Jesús Diosta mañana huasiman yaicushpa, yachachicucpimi, Israel curacunata mandac curacunapish, pushac yuyaccunapish cuchuyarca. Chashna cuchuyashpaca: —¿Ima poderhuantac chashna ruhuacungui? ¿Pitac cantaca chashna ruhuachun mandarca?— nishpa tapurca.

SAN MATEO 26:47

Jesús chashna nicucpiracmi, chunga ishcai yachacuccunapuramanta Judasca, tauca runacunahuan shamurca. Chai runacunaca curacunata mandac curacunapish, cunac yuyaccunapish cachacpimi espadacunahuan, caspicunahuan shamurcacuna.

MARCOS 10:1

Jesusca Capernaúm pueblomanta llucshishpaca, Jordán yacuta pasashpa, Judea llactamanmi rirca. Jesusca achca gentecuna tandanacumucpimi, pai yachachic cashca shinallatac cutin yachachi callarirca.

MARCOS 12:35

Diosta mañana huasipi Jesús yachachicushpaca: «Mandashcacunata yachachiccunaca, ¿ima nishpatac Cristotaca: “Mandac Davidpac aillupurami canga” nincuna?

SAN LUCAS 19:47

Jesusca tucui punzhacunami Diosta mañana huasipi yachachic carca. Cutin curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurca.

SAN LUCAS 20:1

Shuc punzha Jesús Diosta mañana huasipi alli huillaimanta yachachicucpimi, Israel curacunata mandac curacunapish, mandashcacunata yachachiccunapish, cunac yuyaccunapish chayarca.

SAN LUCAS 4:20

Chai quillcashcata pillushpa huacaichic runaman cushpami, chaipi tiyarirca. Chaipi caccunaca Jesusta ricuracurcami.

SAN JUAN 7:14

Chai fiesta punzhacuna ña chaupiyamucucpimi, Jesusca Diosta mañana huasipi yachachi callarirca.

SAN JUAN 7:28

Jesús Diosta mañana huasipi yachachishpaca: —¿Ñuca maimanta cashcatapish, pi cashcatapish yachanguichicchu? Mana ñuca quiquinllamantachu shamurcani, ashtahuanpish cashcata ruhuac Dios cachacpimi shamurcani. Paitaca cancunaca mana ricsinguichicchu.

SAN JUAN 8:2

Chai cayandi punzha pacarimucucpimi, Diosta mañana huasiman cutirca. Chaiman gentecuna chayacpimi, Jesusca tiyarishpa yachachi callarirca.

SAN JUAN 8:20

Jesusca caicunataca Diosta mañana huasipi, ofrenda churana ladopimi yachachirca. Paita japina horas manarac chayamucpimi, paitaca pi mana japirca.