SAN MATEO 25:44 - Dios Rimashcata Quillcashcami

⁴⁴ Chashna nicpimi paicunaca: “Apunchic Jesús, ¿ima horatac can yarcaihuan cacta, yacunayaihuan cacta, samarinata mana charicta, churana illacta, ungushca cacta, carcelpi cacta, imalla illacta ricushcanchic?” ningacunami.

Nuevo Testamento en Quichua Cañar 1996

⁴⁴ Chashna nicpi paicunaca: ‘Apunchic Jesús, ¿maipitac can yarcaihuan cacpi, yacunayaihuan cacpi, samarinata mana charicpi, churana illac cacpi, ungushca cacpi, carcelpi cacpi, imalla illashcataca mana curcanchic?’ ningacunami.

SAN MATEO 25:44 ပူးပေါင်းရင်းမြစ်များ

JEREMÍAS 2:23

¿Ima nishpatac canca: “Mana mapayashcachu cani, Baal dioscunatapish mana catishcanichu” ningui? Pambacunapi can imata ruhuashcatapish ricuiyari. Alli yuyariyari. Ñanman llucshishpa, maitapish callpac huarmi shinami cangui.

JEREMÍAS 2:35

canca: “Ñucaca ima mana allitapish mana ruhuacchu cani. Diosca ñucahuanca mana piñarishcachu” ninguimi. Shina can: “Ima juchata mana ruhuashpami causarcani” nicucpipish, ñucami can imata ruhuashcataca ricuchigrini.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

MALAQUÍAS 2:17

Mandac Diosta rimacushpalla shaicuchishpaca: «¿Imata nishpatac shaicuchishcanchic?» ninguichicmi. Shinallatac: «Maijan cashpapish mana allita ruhuashpami, Mandac Diostaca cushichinchic, chaitami paica chasquin» ninguichic. Mana cashpaca: «¿Maipitac cashcata ruhuac Mandac Diosca?» nishpami shaicuchinguichic.

MALAQUÍAS 3:13

Cancunaca yallita mana alli nishpami, ñucataca rimarcanguichic. Shina rimashpapish: “¿Ima mana allitatac cantaca rimarcanchic?” ninguichicmi.

SAN MATEO 10:41

Maijanpish Dios ima nishcata huillacta chasquicca, Dios ima nishcata huillac japinatami japinga. Cashcata ruhuacta chasquicca, cashcata ruhuac japinatami japinga.

SAN MATEO 25:43

Samarinata mana charicpipish, mana pozachircanguichicchu. Churana illac cacpipish, mana churachircanguichicchu. Ungushca cacpipish, carcelpi cacpipish, mana ricugrircanguichicchu” nishami.

SAN MATEO 25:45

Shina nicpimi ñucaca: “Cai uchillacunaman mana ruhuashpaca, ñucamanmi mana ruhuarcanguichic. Chaica chashnatacmi” nishami.

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

SAN MATEO 7:22

Taripana punzhapica taucacunami: “Apunchic Jesús, Apunchic Jesús, cambac shutipimi huillacurcanchic, supaicunatapish llucchircanchic, milagrocunatapish ruhuarcanchic” ningacuna.

SAN LUCAS 10:29

Chashna nicpipish, chai yachachicca mana upalla saquirircachu. Chaimantami: —¿Pi shuctatac cuyana cani?— nirca.