SAN MATEO 25:40 - Dios Rimashcata Quillcashcami

⁴⁰ Shina nicpimi ñucaca: “Cai uchilla ñuca huauquicunaman ruhuashpaca, ñucamanmi ruhuarcanguichic. Chaica chashnatacmi” nishami.

Nuevo Testamento en Quichua Cañar 1996

⁴⁰ Shina nicpi ñucaca: ‘Tucui caicunata cai yangalla shina ñuca huauquicunaman ruhuashpaca, ñuca quiquinmanmi ruhuarcanguichic. Chaica chashnatacmi’ nishami.

SAN MATEO 25:40 ပူးပေါင်းရင်းမြစ်များ

2 SAMUEL 9:1

Chai quipami Davidca: «¿Jonatanta cuyashcamanta ayudangapac Saulpac huasi ucupuramanta maijan causacungaracchu?» nishpa tapurca

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

2 REYES 4:10

Cunanca, pai ima horas ñucanchicpacman shamushpa samarichun, huasi altopi shuc uchilla ucuta ruhuashpa, shuc camata, shuc mizata, shuc bancota, shuc lamparata churashun— nirca.

PROVERBIOS 14:31

Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

JEREMÍAS 39:17

Shina cacpipish, chai llaqui punzhacunapica ñucami canta quishpichisha. Can manchana runacunapac maquipica mana yaicunguichu.

SAN MATEO 10:40

Maijanpish cancunata chasquicca, ñucatami chasquin. Ñucata chasquicca, ñucata cachac Diostami chasquin.

SAN MATEO 10:42

Maijanpish ñucata catic, yangalla runaman asha chiri yacuta cucca, Diosmanta japina cashcata japingami. Chaica chashnatacmi canga» nirca.

SAN MATEO 18:10

Cai huahuacuna shinapuramanta maijanta ama mana valichinguichicchu. Ñucaca: Paicunata jahua pacha Taitapac ñahuita ricuc angelcunami cuidacun ninimi.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

SAN MATEO 25:39

¿Maipitac ungushca cacpi, carcelpi cacpi ricuc shamurcanchic?” ningacunami.

SAN MATEO 25:45

Shina nicpimi ñucaca: “Cai uchillacunaman mana ruhuashpaca, ñucamanmi mana ruhuarcanguichic. Chaica chashnatacmi” nishami.

SAN MATEO 28:10

Chashna ruhuacpica Jesusca: —Ama mancharichicchu. Cunanca, Galilea llactapi ñucata ricugrichun ñucata catic huauquicunaman huillagrichic. Chaipimi ñucata ricunguichic ninmi nigrichic— nirca.

MARCOS 9:41

Cancunaca Quishpichic Cristo ñucata caticcunami canguichic. Chaimanta maijanpish cancunaman shuc vaso yacullatapish cucmanca, Diosca japina cashcata cungami. Chaica chashnatacmi— nirca.

SAN LUCAS 19:38

Paicuna caparishpaca: —¡Diospac shutipi shamucuc Jatun Mandacca alli nishca cachun! ¡Jahua pachapipish alli sumac cushicui cachun! ¡Diostapish alli nishca cachun!— nishpami caparirca.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

ROMANOS 8:29

Diosca, ñaupaman ricsishcacunataca paipac Churi shina cachunmi acllarca. Chashnami achca criccunamanta punta cachun chicanyachirca.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta cuyac cashcamantami, cancunata serviccuna canchic.

GÁLATAS 5:13

Cuyashca criccuna, cancunataca ña ama huatashca shina causachunmi cayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuc-huan cuyanacushpa, ayudanacushpa causaichic.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

EFESIOS 5:30

Ñucanchicca Jesucristopac cuerpo, partecunami canchic.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

1 JUAN 4:20

Maijanpish «Diosta cuyanimi» nishpapish, shuc huauquita piñacca llullami can. Ñahuihuan ricushca huauquita mana cuyashpaca, ¿ima shinatac mana ricushca Diostaca cuyangayari?

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.