SAN MATEO 25:25 - Dios Rimashcata Quillcashcami

²⁵ Chaimantami can saquishca cullquitaca allpapi huacaichircani. Caipimi, cambac cullquica” nirca.

Nuevo Testamento en Quichua Cañar 1996

²⁵ manchaihuan can saquishca cullquitaca allpata allashpa, pambashpa huacaichircani. Caica cambac cullqui’ nirca.

SAN MATEO 25:25 ပူးပေါင်းရင်းမြစ်များ

ROMANOS 8:15

Cancunaca mana cutinllatac manchaita cuc, huatashca shinata charic espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: «Ñuca Taitalla» nishpa mañanchic.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

ISAÍAS 57:11

¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

PROVERBIOS 26:13

Quilla runaca: «¡Leonmi ñanpi chapacun! ¡Canzhapica leonmi shayacun!» ninmi.

SAN MATEO 25:24

Shuc talento cullquita japic runa chayashpaca: “Amito, canca piñami cangui. Manapish cushpa chasquiclla, manapish tarpushpa cosechaclla cashcata yachanimi.

SAN MATEO 25:26

Shina nicpimi amoca: “¡Canca, mana valic, quilla servicmi cangui! Ñuca manapish tarpushpa cosechac, manapish cushpa chasquic cashcataca yacharcanguimi.