SAN MATEO 24:31 - Dios Rimashcata Quillcashcami

³¹ Ñuca angelcunata cachashpami. Paicunami trompetapi sinchita tocashpa, ñuca acllashcacunataca tucui cai pachamanta tandachinga.

Nuevo Testamento en Quichua Cañar 1996

³¹ Chashna shamushpaca, ñuca angelcunatami cachasha. Trompetapi sinchita tocacpi, paicunami ñuca acllashcacunata cai pachapi tiyac mai llactacunamantapish tandachingacuna.

SAN MATEO 24:31 ပူးပေါင်းရင်းမြစ်များ

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

SALMOS 67:7

Dios ñucanchicta bendiciachun. Tucui cai pachapi causaccuna paita manchachun.

SALMOS 81:3

Llullu quilla punzhacunapipish, entero quilla punzhacunapipish cornetapi tocaichic. Chai punzhacunaca yallita cushicuna punzhacunami.

ÉXODO 19:16

Ña quimsa punzha pacarimucucpica, tulun nishpa, relampa jaguin nishpa, shinallatac amsa puyupish urcuta taparcami. Cutin corneta sinchita tocashcapish uyarircami. Shina uyaricpimi, carpa ucupi tiyac israelcunaca mancharishpa chucchurca.

ISAÍAS 11:12

Tucui llactapi causaccuna ricuchun, shuc banderata shayachishpami, llucchishpa cachashca israelcunataca cutin tandachimunga. Caita, chaita rishca Judá aillutapish cai pacha chuscu ladomantami tandachimunga.

ISAÍAS 13:5

Mandac Diosca caru llactamanta, jahua pacha tucurimantami yallita piñarishpa, tucui cai pachata tucuchingapac paita servic soldadocunahuan shamun.

ISAÍAS 27:13

Chai punzhapica jatun trompetapi tocacpimi, Asiria llactapish chingarishca puriccunapish, Egiptoman apashcacunapish shamunga. Chashna shamushpami Mandac Diostaca paipaclla urcupi tiyac Jerusalenpi mañanga.

ISAÍAS 42:10

Mandac Diostaca mushuc cantohuan cantaichicyari. Tucui llactacunapi causaccuna alabaichicyari. Mama cuchata puriccunapish, chai yacupi tiyaccunapish, mama cucha patapi tiyac llactacunapish, chaipi tiyaccunapish alabaichicyari.

ISAÍAS 43:6

Jahua lado llactataca: «¡Paicunata cutichichic!» nishami. Ura lado llactataca: «¡Paicunata ama jarcaichicchu! Ñuca churicunataca carumanta, ñuca ushicunataca cai pacha tucurimanta pushamuichic.

ISAÍAS 45:22

¡Tucui cai pachapi tiyac llactacunapi causaccuna ñucata catichicyari, quishpiringuichicmi! ¡Ñucami Diosca cani, ashtahuan shucca mana tiyanchu!

ISAÍAS 49:18

Ñahuita alzashpa, muyundita ricuiyari. Tucui paicunami tandanacushpa shamushca. Chai tucui shamuccunataca valishca sumac churanata shina ruhuangui. Cazarac novia shinami sumacta allichiringui. Chaitaca Mandac Dios ñuca shutipimi nini.

ISAÍAS 60:4

Alzarishpa muyundita ricuiyari. Tucui paicunami tandanacushpa, cambacman shamunga. Cambac churicunaca carumantami shamunga. Cutin ushicunataca marcashpami apamunga.

DANIEL 7:2

Chashna quillcashpami Danielca: «Ñucaca shuc tutami muscuipi shina jahua pacha huaira chuscu ladomanta mama cuchata caiman chaiman cuyuchicucta ricurcani.

ZACARÍAS 14:5

Chai pugru pambaca Azal llactacamanmi canga. Cancunaca chai urcu chaupipi tiyac pugru pambapi miticugringuichic. Judá llactata jatun mandac Uzías mandacui punzhacunapi jatun allpa chucchucpi, miticugrishca shinami miticugringuichic. Chai quipami ñucata Mandac Diosca paipac angelcunahuan shamunga.

ZACARÍAS 2:6

Mandac Diosca: «¡Uyaichic, jahua lado llactamanta llucshishpa callpaichicyari! Ñucami cancunataca cai pacha chuscu ladocunaman shic-huashpa cacharcani. Chaitaca Mandac Dios ñucami nini.

ZACARÍAS 6:5

Shina tapucpimi angelca: —Caicunaca jahua pacha chuscu huairacunami cai pachata Mandac Diospac ñaupamanta llucshimucun.

ZACARÍAS 9:10

Paica Efraín llacta carretacunatapish, Jerusalenpi causaccunapac caballocunatapish tucuchingami. Macanacuna arcocunapish paquishcami canga. Llactacunapica cushi causaimi tiyanga. Paica shuctac lado mama cuchamantaca chaishuc lado mama cuchacaman, jatun yacumanta cai pacha tucuricamanmi mandanga.

ZACARÍAS 9:14

Mandac Diosmi paicunapac jahuapi ricuringa. Paipac flechaca relampa shinami llucshinga. Mandac Diosmi cornetapi tocashpa, ura lado acapana huaira chaupipi shamunga.

SAN MATEO 13:41

Runa Tucungapac shamushca ñucami, mandashca causaccunapuramanta mana allita ruhuaccunatapish, shuccunata pandachiccunatapish tandachichun, angelcunata cachasha.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

SAN MATEO 24:24

Llullac cristocunapish, llullac huillaccunapish ricuringami. Paicunaca milagrocunatapish, mancharinacunatapish ruhuashpa ricuchingami. Chashnami Dios acllashcacunatapish pandachinga.

SAN MATEO 24:32

Higo yura ima tucucta ricushpa, yuyaita japichic. Yurapi ramacuna cutin huiñashpa, pangacuna ricuricpica, usyai chayamucucta yachanguichic.

SAN MATEO 25:31

Runa Tucungapac shamushca ñuca sumaimana achic nicuc-huan achicyachishpa, tucui angelcunahuan shamushpaca, jatun mandac tiyarinapimi tiyarisha.

SAN MATEO 28:18

Jesús paicunapacman cuchuyashpaca: «Diosca ñucamanmi cai pachatapish, jahua pachatapish mandachun poderta curca.

MARCOS 13:27

Chaimantaca ñuca angelcunatami ñuca acllashcacunata tucui pacha muyundimanta tandachichun cachasha.

SAN LUCAS 24:47

Chai shinami, Jerusalén pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can.

SAN JUAN 11:52

Mana chai llactallamantachu huañuna carca, ashtahuanpish caita chaita rishpa causacuc Dios acllashcacunata tandarishpa, shucllata ruhuangapacmi huañuna carca.

ROMANOS 10:18

Ashtahuanpish ñucaca: «Cristomanta huillashcataca, ¿manachu uyarcacuna?» nishpami tapuni. ¡Paicunaca uyarcacunami! Dios quillcachishcapica: «Paicuna huillashcaca tucui cai pachapimi uyarishca. Paicunapac rimashcaca allpa tucuricamanmi uyarishca» ninmi.

1 CORINTIOS 15:52

Shuc rato ñahuita quimllai shinallapimi, tucuri trompeta tocashpa uyaricpica, shuctacyachishca cashun. Trompeta uyaricpica, huañushcacunaca mana cutin huañungapacmi causaringa. Ñucanchicca shuctacyachishcami cashun.

EFESIOS 1:10

Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

DEUTERONOMIO 30:4

Cai pachapi tiyac ashtahuan caru llactamantapish Mandac Diosca mashcashpa tandachimungami.

DEUTERONOMIO 4:32

Cancuna manarac tiyashca punzhacunapi, Dios runata cai pachapi ruhuashcamanta pacha, cai shina ruhuashcata tapuichicyari. Cai pacha callarimanta, cai pacha tucuricaman cai shina tiyashcata, mana tiyashcata tapuichicyari. Mana cashpaca, cai shina pi ruhuashcata tapuichicyari.

1 TESALONICENSES 4:16

Mandac Dios caparishcapish, angelcunata mandac ángel caparishcapish, shinallatac Diospac trompeta tocashcapish uyaringami. Chashna uyaricpica, Apunchic Jesusllatacmi jahua pachamanta shamunga. Chashna tucucpica, maijanpish Apunchic Jesusta crishpa huañuccunaracmi causaringa.

2 TESALONICENSES 2:1

Cuyashca criccuna, ñucanchic Apunchic Jesús cutimunamantapish, ñucanchic paihuan tandanacunamantapish huillashpaca,

HEBREOS 12:19

Shinallatac trompeta tocashcatapish, Dios rimashcatapish mana uyarcanguichicchu. Chaita uyaccunaca ama ashtahuan rimarishpa catichunmi mañarca.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 7:1

Chai quipaca cai pacha chuscu ladopi chuscu angelcuna shayacuctami ricurcani. Chaicunaca cai pacha allpatapish, mama cuchatapish, ima yuracunatapish ama huaira huactachunmi, chuscu ladopi jarcashpa shayacurca.

APOCALIPSIS 8:2

Chai quipaca canchis angelcuna Diospac ñaupapi shayacuctami ricurcani. Paicunamanca canchis cornetatami curcacuna.